Самарқанд вилояти Оқдарё тумани «Мустақиллик» маҳалласида жойлашган «Қанғли» қабристонида 8 июнь куни ёнғин юз берди.
ФВВ матбуот хизматининг маълум қилишича, ёнғин содир бўлаётгани ҳақида туман ФВ бўлимига хабар соат 15:01 да келиб тушган. Шунга кўра 2 та ёнғин-қутқарув экипажи соат 15:05 да воқеа жойига етиб бориб, ёнғин соат 15:28 да бартараф этилган.
Ёнғин натижасида тахминан 4 сотих майдонда қуруқ ўт ёнган. Ҳодиса оқибатида тан жароҳати олган ва ҳалок бўлганлар йўқ.
Ҳозирда ёнғин сабаби ва моддий зарар миқдори аниқланмоқда.
Бундан аввал Самарқанд вилояти Нарпай туманида жойлашган савдо дўконларида ёнғин юз берганди. Дастлаб ёнғин оқибатида 3 та савдо дўконининг бир қисми ёниб кетгани маълум қилинди. Кейинчалик 16 дан ортиқ дўкон зарарлангани аниқланди.
Самарқанд шаҳрида эса бир-бирига туташ иккита корхонада ёнғин содир бўлди.
Изоҳ (0)