Samarqand shahrida 7-iyun kuni ikkita tadbirkorlik subyektida yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 14:00 da shaharning “Farovonlik” mahallasida joylashgan “Verbatim” va “Baxt” MCHJlari binosida yong‘in sodir bo‘layotgani to‘g‘risida viloyat FVBga xabar kelib tushgan. Shunga ko‘ra, 8 ta yong‘in-qutqaruv ekipaji soat 14:03 da voqea joyiga yetib borib, yong‘in soat 14:30 da qurshab olingan. Soat 16:20 da bartaraf etilgan. Yong‘inga viloyat Obodonlashtirish boshqarmasining texnikalari ham jalb etilgan.
Yong‘in oqibatida binoning taxminan 200 kvadrat/metr maydonda tomi va shift qismi yonib zararlangan. Hodisada tan jarohati olish va halok bo‘lish holatlari qayd etilmagan.
Hozirda yong‘inni kelib chiqish sababi va moddiy zarar miqdori aniqlanmoqda. Mavzuga doir:
