Самарқанд шаҳрида 7 июнь куни иккита тадбиркорлик субъектида ёнғин содир бўлди. Бу ҳақда Фавқулодда вазиятлар вазирлиги хабар қилди.
Қайд этилишича, шу куни соат 14:00 да шаҳарнинг «Фаровонлик» маҳалласида жойлашган «Вербатим» ва «Бахт» МЧЖлари биносида ёнғин содир бўлаётгани тўғрисида вилоят ФВБга хабар келиб тушган. Шунга кўра, 8 та ёнғин-қутқарув экипажи соат 14:03 да воқеа жойига етиб бориб, ёнғин соат 14:30 да қуршаб олинган. Соат 16:20 да бартараф этилган. Ёнғинга вилоят Ободонлаштириш бошқармасининг техникалари ҳам жалб этилган.
Ёнғин оқибатида бинонинг тахминан 200 квадрат/метр майдонда томи ва шифт қисми ёниб зарарланган. Ҳодисада тан жароҳати олиш ва ҳалок бўлиш ҳолатлари қайд этилмаган.
Ҳозирда ёнғинни келиб чиқиш сабаби ва моддий зарар миқдори аниқланмоқда.
Изоҳ (0)