Toshkent shahri Chilonzor tumanida 6-iyun kuni “Rayhon” milliy taomlar binosida yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, shu kuni soat 18:37 da Chilonzor tumanida joylashgan “Rayhon” milliy taomlar binosining tom qismida yong‘in sodir bo‘layotgani to‘g‘risida shahar FVBga xabar kelib tushgan. Shunga ko‘ra, 4 ta yong‘in-qutqaruv ekipaji zudlik bilan voqea joyiga yetib borgan. Holat soat 19:03 da to‘liq bartaraf etilgan.
Yong‘in oqibatida bino oshxonasining 15 metr/kvadrat maydonda tom qismi yonib zararlangan. Hodisada tan jarohati olgan va halok bo‘lganlar yo‘q.
Hozirda yong‘inning kelib chiqish sababi va moddiy zarar miqdori aniqlanmoqda. Mavzuga doir:
