Стресс ва замонавий жамият деярли синонимга айланди. Ахборотнинг ҳаддан ташқари кўплиги, ақлдан оздирувчи ритм, уйқусизлик ва шунга ўхшаш ташқи омиллар инсон психикасига кучли таъсир қилади. Шундай вақтда тинчлантирувчи амалиётлар учун вақт ва куч бўлмаганда қандай йўл тутиш керак? «Lisa.ru» нашри ушбу муаммода ёрдам берадиган ичимликлар рўйхатини тақдим этди.
Кўпинча, буларнинг барчасини бир стакан илиқ ўсимлик чойини ичиш орқали олдини олиш мумкин. Ҳатто баъзи хушбўй ҳидларни ҳидлаш ҳам ортиқча ташвишлардан халос бўлишга ёрдам беради. Қуйида стрессда тез ва самарали курашадиган энг фойдали ичимликлар рўйхати билан танишиб чиқиш мумкин.
Мелисса чойи
Мелисса минг йиллар давомида стрессни енгиллаштирувчи гиёҳ сифатида фойдаланилади. У одамни асабийлашиш, депрессив кайфият, бош оғриғи ва чарчоқдан қутқаради. Мелисса уйқусизликка қарши курашда ҳам жуда самарали восита. Чунки уйқу ва стресс бир-бири билан чамбарчас боғлиқдир.
Мойчечак дамламаси
Мойчечак гуллари мия фаолиятига ва асаб тизимига ижобий таъсир кўрсатадиган апигенинни ўз ичига олади. Мойчечак чойи стрессни енгиллаштиради ва асабларни тинчлантиради, уйқусизлик аломатларини бартараф этади, ваҳимани камайтиради ва ҳатто мушаклар спазмини даволайди. Доимий равишда мигрен ва қаттиқ бош оғриғидан азият чекадиганлар учун мойчечак чойини ичиш тавсия этилади.
Лавандали чой
Лаванда чойи ўзига хос таъм ва ҳидга эга. Лаванда қон айланишини меъёрга келтиради, тинчлантиради, чарчоқ ва асабийлашиш хуружларини енгиллаштиради.
Валериан илдизидан ўсимлик чойи
Валериан илдизи тинчлантирувчи таъсирга эга. Унинг чойи уйқусизлик, асабий таранглик, ташвиш ва ҳаяжон, асабийлашишга қарши курашда кенг қўлланилади. Валериан илдизи тезроқ ухлаб қолишга ёрдам беради ва чуқур уйқу вақтни оширади ва шу билан оғир иш кунидан кейин организмнинг тезда тикланишига ҳисса қўшади.
Ялпиз баргли чой
Ялпиз баргларидаги ментол ҳам тинчлантирувчи воситадир, шунинг учун ялпизли чой стрессни енгиллаштириш ва уйқуни яхшилаш учун жуда ажойиб танлов. Бундан ташқари, ялпиз мойлари кўпинча ароматерапия ва тинчлантирувчи нафас олиш амалиётларида қўлланилади.
Сули ўсимлиги дамламаси
Бу ўсимлик чойи сули пояси, уруғи ва гулларидан тайёрланади. Сули чойи экстракти кўп асрлар давомида анъанавий тиббиётда дам олиш, кайфиятни яхшилаш ва чарчоқни йўқотиш учун ишлатилган. Унинг таркибида сапонинлар — метаболизмни яхшилайди, флавоноидлар — антиоксидантлар, фитостероллар — қон холестеринини камайтиради ва Д, Э, B1, B2 витаминлари мавжуд.
Зарчавали бодом сути
«Олтин сут» — бу ичимлик ўзининг тилла ранги учун шундай аталади ва организм учун фойдалидир. Бу нафақат кучли яллиғланишга қарши таъсирга эга, балки чарчоқдан тезда халос бўлишга ҳам ёрдам беради. Ўсимлик сути бодом ва сувдан олинади ва зарчава билан комбинацияси туфайли бундай ичимлик организмни тинчлантиришга ва яхши ухлашга ҳисса қўшади.
Кўриб турганингиздек, бу ичимликларнинг барчаси стресс ва ташвишланишга қарши курашда ажойиб ёрдамчидир. Энг муҳими, уларнинг барчаси табиий ва мутлақо хавфсиз. Саломатлик учун максимал фойда олиш билан бирга, уларнинг ёқимли таъми ва ҳидидан баҳраманд бўлиш мумкин.
Мавзуга доир:
Изоҳ (0)