Палма ёғи энг кўп истеъмол қилинадиган ўсимлик мойи бўлиб, унинг 72 фоизи озиқ-овқат саноатида қўлланилади. Жаҳон соғлиқни сақлаш ташкилоти маълумотларига кўра, уни мунтазам равишда истеъмол қилиш кўплаб хавфли касалликларга, жумладан, атеросклероз ва юрак-қон томир касалликларига сабаб бўлади. Marie Claire нашри қуйида палма ёғи қайси маҳсулотларда тез-тез ишлатилиши ҳақида маълумот беради (иложи бўлса, бу маҳсулотларни чеклаш ёки диетадан бутунлай чиқариб ташлаш керак).
Печенье
Палма ёғи дўконда сотиладиган печенье ва бисквитларда етарлича миқдорда мавжуд. Гап шундаки, у хамир ҳажмини камайтиришга ёрдам беради ва уни янада қумоқ-қумоқ ва юмшоқ қилади.
Нон ва булкалар
Палма ёғи кўпинча шакарсиз пишириқларга қўшилади. Бу ноннинг юмшоқлигини таъминлайди. Шунинг учун танлаётганда қаттиқроқ пишириқларга эътибор беринг.
Маргарин
Маргарин тайёрлашда палма ёғи ҳар доим қўшилади, чунки у оксидланишнинг олдини олади ва маргариннинг узоқроқ туришига ёрдам беради. Шунинг учун сариёғдан фойдаланган маъқул.
Нонушта ёрмалари
Палма ёғи кўплаб нонушта донларининг мунтазам таркибий қисми бўлиб, шу ёғ туфайли улар бир неча ой сақланиши мумкин.
Шоколад ва шоколад пастаси
Шоколадли плитка ёки паста танлаётганда таркибини диққат билан ўқинг ва иложи бўлса, палма ёғи қўшилган ширинликлардан сақланинг. Тўғри, какао ёғини ўз ичига олган шоколад чиройли кўриниши билан ўзига жалб қилмайди, иссиқда ҳам тезда эрий бошлайди, аммо палма ёғига қараганда анча хавфсиз.
Чипслар
Деярли барча чипслар палма ёғида қовурилади, чунки у бошқа ўсимлик мойларининг арзон альтернативи ҳисобланади.
Музлатилган овқатлар
Палма ёғи кўпинча музлатилган яримтайёр маҳсулотларга қўшилади, бу эса консервантлар ўрнини босади.
Музқаймоқ
Палма ёғи барча музқаймоқларга қўшилмайди. Одатда бу таркибий қисм фақат арзон ширинликларда учрайди, улар сариёғ ва сут қўшилган музқаймоқдан жуда фарқ қилади.
Тез тайёрланадиган лапша
Деярли ҳар қандай тезпишар лапша пакетида, тахминан, 20 фоиз палма ёғи мавжуд.
Кўпиртирилган қаймоқ
Бундай кремни тайёрлашда палма ёғи ҳар доим ишлатилади. Бу уларнинг шакли ва тузилишини сақлашга ёрдам беради.
Изоҳ (0)