Наманган вилоятида Nexia автомашинаси ёниб кетди. Бу ҳақда вилоят Йўл ҳаракати хавфсизлиги бошқармаси хабар қилди.
Қайд этилишича, йўл-транспорт ҳодисаси Косонсой—Тўрақўрғон—Мингбулоқ автомобиль йўлининг 44-километрида содир бўлган. Тўрақўрғон туманига ҳаракатланиб кетаётган Nexia транспорт воситасида қисқа туташув сабаб ёнғин юзага келган.
ФВБ ходимлари томонидан ёнғин ўчирилган. Ҳодиса оқибатида жабрланганлар йўқ.
Аввалроқ Фарғонада газ заправкада «Москвич» ёниб кетгани, Самарқанддаги автосервисда юз берган ёнғинда Lacetti ва «Жигули»га зарар етгани хабар қилинганди.
Изоҳ (0)