Англиянинг «Уэмбли» стадиони Аргентина ва Италия терма жамоалари ўртасидаги Финалиссимага мезбонлик қилди.
Учрашувнинг 28-дақиқасида Лионель Мессининг узатмасидан кейин Лаутаро Мартинес ҳисобни очди. Биринчи бўлимга қўшиб берилган вақтда Анхель ди Мария аргентиналикларнинг иккинчи голини урди.
Иккинчи бўлимнинг сўнгги дақиқаларида Пауло Дибала якуний ҳисобни ўрнатди ва Аргентина терма жамоаси Финалиссима бош совринига эга чиқди.
Финалиссима — Америка Кубоги ва Европа чемпионати ғолиблари ўртасида ўтказиладиган ўйин. Аргентина терма жамоаси Копа Американинг амалдаги ғолиби бўлса, «скуадра адзурра» Евро—2020 совриндори ҳисобланади.
Финалиссима—2022
Италия — Аргентина 0:3
Голлар: 0:1 – 28 Мартинес, 0:2 – 45+1 ди Мария, 0:3 – 90+4 Дибала.Италия: Доннарумма, Ди Лоренцо, Бонуччи, Кьеллини (Лаззари, 46), Emerson (Бастони, 77), Пессина (Спинаццола, 62), Жоржиньо, Барелла, Бернардески (Локателли, 46), Белотти (Скамакка, 46), Распадори.
Аргентина: Эмилиано Мартинес, Тальяфико, Молина, Ромеро (Пецеля, 85), Отаменди, Ди Мария (Гонсалес, 90), де Пауль (Паласиос, 76), Родригес, Месси, Ло Чельсо (Дибала, 90), Мартинес (Альварес, 85).
Изоҳ (0)