«Барселона» трансляция ва лицензия ҳуқуқларининг маълум миқдорини сотиш орқали 700 млн евро ишлаб олмоқчи

«Барселона» ёзда таркибни кучайтириш учун 700 миллион еврогача сарфлаши кутилмоқда.

Каталонияликлар ушбу маблағни келгусида Ла Лигада телевидение ҳуқуқларидан келадиган даромаднинг бир қисми ҳисобига олишни режалаштирмоқда. ESPN маълумотларига кўра, улушнинг 25 фоизи сотилиши 500 миллионгача даромад келтириши мумкин.

Манбада ёзилишича, «кўк-анорранглилар» яна 200 миллион еврони лицензиялаш ва мерчендайзинг соҳасидаги улушнинг (49,9 фоизгача) сотувидан тушган фойда ҳисобига олишни умид қилмоқда.

Режаларни амалга ошириш учун клуб сёсининг розилиги керак бўлади. Овоз бериш жараёнларини ўтказиш учун «Барселона» 16 июнь куни фавқулодда йиғилиш ўтказади.

Ҳозирги кунда каталон клубининг харажатлар чегараси минус 144 миллион еврони ташкил этади. Бу Ла Лигадаги энг ёмон кўрсаткичдир.