Американинг RedBird Capital Partners инвестиция компанияси Elliott Management Corporation билан «Милан» клубини сотиб олиш бўйича келишувга эришди.
Бу ҳақида «россонерилар» расмий сайти маълум қилди. Битим 1,2 миллиард еврога баҳоланган. Шу билан бирга Elliott клубдаги кичик манфаатларини ва директорлар кенгашидаги ўрнини сақлаб қолади.
Клуб хўжайинининг алмашиш жараёни ёзда якунланиш ва сентябрь ойига қадар эса шартнома ишларини тугатиш режалаштирилмоқда.
RedBird Capital Partners — «Ливерпуль» футбол клуби ва «Бостон Ред Сокс» бейсбол клубига эгалик қилувчи Fenvay Sports Group компаниясига инвестор ҳисобланади. Шунингдек, RedBird «Тулуза» акцияларининг назорат пакетига ҳам эгалик қилади.
Маълумот учун, Силвио Берлускони «Милан»даги 31 йиллик бошқарувдан сўнг жамоани 2017 йилда хитойликларга тегишли Rossoneri Sport Investment Lux компаниясига сотиб юборганди. 2018 йилда жамоанинг собиқ хўжайини Ли Юнҳун кредит қарздорлигидан чиқа олмагач, Милан шаҳри жамоаси америкаликларга тегишли Elliott Management Corporation инвестицион фондига ўтиб кетганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)