2—4 июнь кунлари Европада хавфсизлик ва ҳамкорлик ташкилотининг (ЕХҲТ) амалдаги раиси, Польша ташқи ишлар вазири Збигнев Рау Ўзбекистонга ташриф буюради. Бу ҳақда Ташқи ишлар вазирлиги матбуот хизмати хабар берди.
Ташриф доирасида парламент, Ташқи ишлар вазирлигида музокаралар, шунингдек, қатор учрашувлар ўтказиш режалаштирилган бўлиб, улар давомида Ўзбекистоннинг ЕХҲТ билан ўзаро ҳамкорлиги ва икки томонлама Ўзбекистон—Польша муносабатларининг долзарб масалалари муҳокама қилинади.
«Gazeta.uz»нинг ЕХҲТ матбуот хизматига таяниб ёзишича, Збигнев Рау президент Шавкат Мирзиёев, ташқи ишлар вазири в. б. Владимир Норов, Сенат ва Қонунчилик палатаси раҳбарлари Танзила Норбоева ва Нурдинжон Исмоилов билан учрашади.
Шунингдек, Збигнев Раунинг Самарқанд шаҳрига ташрифи ҳам кўзда тутилган олган.
Аввалроқ Шавкат Мирзиёев ШҲТ бош котиби билан Самарқандда ўтказиладиган саммит масалаларини муҳокама қилгани, Владимир Норов АҚШ давлат котибининг ёрдамчиси билан учрашгани тўғрисида хабар берилганди.
Изоҳ (0)