ДХХ Самарқанд вилояти бошқармаси вилоят ИИБ ҳамда прокуратура ходимлари билан ҳамкорликда ўтказган тадбирда Паст Дарғом туманида ҳокимлик захирасидаги 70 сотих ер майдонини ноқонуний сотиш ҳолатига чек қўйилди, деб хабар беради ЎзА.
Маълум қилинишича, ўтказилган тезкор тадбир давомида Паст Дарғом туманида яшовчи 54 ёшли М.Д. ноқонуний эгаллаб олган ҳокимлик захирасидаги 70 сотих ер майдонини жиноий шериги, шу туманда яшовчи 50 ёшли Б.С. билан маҳаллий фуқаронинг номига расмийлаштириб беришни ваъда қилгани аниқланган. Улар бунинг эвазига фурқародан 65 минг доллар сўраган. Ушбу шахслар келишилган маблағнинг 32 минг долларини олган вақтида жиноят устида ушланган.
Ҳозирда мазкур шахсларга нисбатан Жиноят кодексининг тегишли моддалари билан жиноят иш қўзғатилиши режалаштирилиб, суриштирув ҳаракатлари олиб борилмоқда.
Аввалроқ Бўстонлиқда 1,32 гектар ерни 50 минг долларга сотишга уринган уч нафар шахс ушлангани, Самарқандда туман ҳокимининг сохта қарори билан қарийб 20 минг долларга ер сотган хўжалик раҳбари аниқлангани, Давлат кадастрлари палатаси Нуробод туман филиали мутахассислари 2 млн сўм пора билан ушлангани тўғрисида хабар берилганди.
Мавзуга доир:
- Тошкент вилоятида 5 гектар ерни расмийлаштириб бериш учун 25 минг доллар олган шахс ушланди
- Сурхондарёда қишлоқ хўжалиги ерларида қурилиш ишларини амалга ошириб, 3,1 млрд сўмдан ортиқ зарар етказган жамият раҳбари аниқланди
- Наманганда фуқарога фермер хўжалиги ерини ажратиб бериш учун 15 минг доллар сўраган ҳоким ёрдамчиси ва унинг шериклари ушланди
Изоҳ (0)