Ўзбекистон миллий терма жамоасининг июнь ойидаги йиғинида иштирок этадиган футболчилар рўйхати маълум бўлди.
Ўзбекистон Осиё Кубоги—2023 мусобақасининг 3-саралаш босқичида иштирок этади. Сречко Катанец шогирдлари йиғиннинг дастлабки қисмини Тошкентда ўтказади, кейин эса саралаш ўйинларида иштирок этиш учун Наманганга йўл олади.
Мураббий мазкур йиғин учун 30 нафар футболчини жалб қилди. Маълумот учун, U-23 терма жамоаси сафида Осиё кубогига тайёргарлик кўраётган 5 нафар футболчи ҳам миллий жамоа кенгайтирилган таркибига киритилди. Словениялик мутахассиснинг таъкидлашича, уларнинг айримлари кейинчалик миллий терма жамоа йиғинига ҳам жалб этилиши мумкин.
Дарвозабонлар: Валижон Раҳимов («ОКМК»), Ўткир Юсупов («Навбаҳор»), Умиджон Эргашев («Насаф»);
Ҳимоячилар: Рустам Ашурматов («Навбаҳор»), Фаррух Сайфиев («Пахтакор»), Ҳожиакбар Алижонов («Пахтакор»), Ҳусниддин Алиқулов («Насаф»), Дилшод Саитов («Насаф»), Исломжон Қобилов («Локомотив»), Умарбек Эшмуродов («Насаф»), Абдулла Абдуллаев («ОКМК»), Акром Комилов («ОКМК»);
Ярим ҳимоячилар: Одилжон Ҳамробеков («Пахтакор»), Акмал Мозговой («Насаф»), Отабек Шукуров («Шаржа»/БАА), Азиз Турғунбоев («Пахтакор»), Остон Ўрунов («Пахтакор»), Ойбек Бозоров («Насаф»), Достонбек Ҳамдамов («Пахтакор»), Сардор Собирхўжаев («Пахтакор»), Жалолиддин Машарипов («Ан-Насср»/Саудия Арабистони);
Ҳужумчилар: Шерзод Темиров («Персеполис»/Эрон), Азизбек Омонов («Истиқлол»/Эрон), Элдор Шомуродов («Рома»/Италия), Игорь Сергеев («Тобол»/Қозоғистон);
U-23: Абдувоҳид Неъматов («Насаф»), Иброҳимхалил Йўлдошев («Нижний Новгород»/Россия), Алибек Давронов («Насаф»), Ҳожимат Эркинов («Пахтакор»), Ҳусайн Норчаев («Насаф»).
Эслатиб ўтамиз, Осиё Кубоги—2023 мусобақасининг 3-саралаш босқичидаги C гуруҳи ўйинлари Ўзбекистонда бўлиб ўтади. Ўзбекистон саралаш босқичидаги дастлабки ўйинини 8 июнь куни Шри-Ланкага қарши баҳс билан бошлайди. 11 июнь куни Мальдив оролларига қарши ўйнаса, 14 июнда Таиландга қарши майдонга тушади. C гуруҳидаги барча учрашувлар Намангандаги «Марказий» стадионида ўтказилиши режалаштирилган.
Изоҳ (0)