Тошкентга 700 килограммга яқин сифатсиз гўшт кириб келишининг олди олинди. Бу ҳақда «Ёшлар» телеканалининг «Янги давр» информацион дастурида маълум қилинди.
Пойтахт туманларида Тошкент шаҳар ИИББ Карантин тадбирларини таъминлаш гуруҳи томонидан махсус рейд ўтказилган. Тошкент шаҳар Ветеринария ва чорвачиликни ривожлантириш бўлими билан ҳамкорликда ташкил этилган тадбирда дастлаб кичик ҳажмдаги юк машинаси тўхтатиб, текширилган. Бу жараёнда автомобиль юкхонасидан 490 килограммдан зиёд ветеринария ҳужжатларисиз, келиб чиқиши номаълум бўлган ҳайвон гўшти олиб кетилаётгани аниқланган. Таъкидланишича, шу куни бундай гўшт маҳсулотларини олиб кетаётган жами учта машина тўхтатилган. Уларнинг бирида 270 килограммга яқин йирик шохли мол гўштини олиб кетаётган бўлган.
Ҳайдовчиларнинг айтишича, гўшт маҳсулотлари Қашқадарё вилояти Чироқчи тумани ҳамда Қарши шаҳридан юклаб юборилган.
Ветеринария мутахассисларининг сўзларига кўра, ушбу гўшт маҳсулотлари оғир касал бўлган қорамолларга тегишли бўлиб, улар истеъмолга мутлақо яроқсиз ҳисобланади.
Аввалроқ Намангандан Тошкентга келиб чиқиши номаълум бўлган 239 кг мол ёғи аниқлангани, Қашқадарёда Lacetti юкхонасидан 160 кг истеъмолга яроқсиз гўшт топилгани, Сурхондарёдан Тошкентга 100 килодан ортиқ истеъмолга яроқсиз гўшт олиб кетаётган Cobalt тўхтатиб қолингани тўғрисида хабар берилганди.
Мавзуга доир:
- Андижонда юк машинасида 2 тонна истеъмолга яроқсиз номаълум ҳайвон ички аъзолари олиб кетилаётгани аниқланди
- Сурхондарёдан Тошкентга салкам 1 тонна истеъмолга яроқсиз гўшт олиб кетаётган машиналар тўхтатиб қолинди
- Тошкент деҳқон бозорларида йил бошидан буён қанча истеъмолга яроқсиз гўшт аниқлангани маълум қилинди
Изоҳ (0)