Тошкент вилоятининг Юқори Чирчиқ ва Фарғона вилоятининг Тошлоқ туманларида табиий ресурслардан ноқонуний фойдаланиш ҳолатлари аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Юқори Чирчиқ туман бўлими томонидан терговга қадар текширув ўтказилган. Унда фуқаро М.А. «Ийк ота» маҳалласида ҳеч қандай ҳужжатларсиз иссиқхона ташкил этиб, табиий газ тармоғига ўзбошимчалик билан уланиб олгани аниқланган. Оқибатда давлат ва жамият манфаатларига 32,4 миллион сўм зарар етказилган.
Шунингдек, Тошлоқ туманида «А.Ғ.» фермер хўжалиги раҳбари М.А. «Терактаги» МФЙда жойлашган дала шийпонида ўзбошимчалик билан электр тармоғига уланиб, ноқонуний равишда электр энергиядан фойдаланиб келган. Бунинг оқибатида давлат ва жамият манфаатларига 32,5 миллион сўм зарар етказилган.
Ҳолатлар юзасидан Жиноят кодексининг 185-2- моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилган. Ҳозирда тергов ҳаракатлари ўтказилмоқда.
Мавзуга доир:
- Марғилонда қўлбола газ ёндиргичлар орқали оҳак ишлаб чиқариш билан шуғулланган яширин цех аниқланди
- Андижондаги корхона юристи криптомайнингдан фойдаланиб, давлат манфаатига катта зарар келтирди
- Андижондаги савдо мажмуаси электр энергиясидан ноқонуний фойдаланиб, қарийб 2 млрд сўм зарар етказгани аниқланди
Изоҳ (0)