Қозоғистон мамлакатга вақтинча келган чет элликлар учун солиқ тўловчининг идентификация рақами (СТИР) беришни тўхтатди. Бу ҳақда Орда.кз хабар берди.
Бу, биринчи навбатда, россияликларга тегишли. Visa ва Mastercard Россияда фаолиятини тўхтатганидан сўнг, россияликлар халқаро карталарни очиш учун Қозоғистонга боришган (СТИРсиз карта очиш имкони йўқ).
Бунинг натижасида 2022 йилнинг март ойидан бери Россиянинг 35 782 нафар фуқароси Қозоғистонда СТИР олган (ўтган йилнинг шу даврига нисбатан 16 баробар кўп).
Россияликлар нафақат Қозоғистон, балки бошқа давлатларга ҳам карта очиш учун саёҳат қилмоқда. Бундай давлатларнинг ичида Ўзбекистон ҳам бор.
Талаб юқорилиги сабаб, Россияда ҳатто «Visa учун Ўзбекистонга саёҳат» номли туристик хизматлар йўлга қўйилган эди.
Ҳозирда Ўзбекистонда нечта чет эллик карта очганлиги бўйича маълумот йўқ. Лекин «Дарё» суҳбатлашган мутахассислар бу кўрсаткич 10-15 минг одам атрофида бўлиши мумкинлигини таъкидлаган.
Изоҳ (0)