«Манчестер Юнайтед» клубнинг молиявий кўрсаткичлари ҳақида маълумот берди.
2022 йил 31 март ҳолатига кўра клубнинг соф қарзи 2021 йилга нисбатан 11,8% ошиб, 443,5 миллион фунтдан 495,7 миллион фунтга етди.
Худди шу даврда жамоанинг даромади 29 фоизга ошди ва 153 миллион еврони ташкил этмоқда. Манкунианликлар биринчи навбатда коронавирус пандемияси туфайли пасайган ўйин кунларидаги даромад даражасини тиклади.
«Қизил иблислар»нинг ўйин трансляцияларидаги даромади ўтган йилгига нисбатан 12 фоизга қисқарган. Маош фонди 19,5 фоизга ўсди ва ҳозирда 101,8 миллион фунтни ташкил қилади.
2022 йилнинг дастлабки 3 ойида «Манчестер Юнайтед» 27,7 миллион фунт зарар кўрди. 2021 йил 31 март куни бу кўрсаткич 18,1 миллион фунтни ташкил этганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)