Россия ва Қирғизистон ўртасидаги темир йўл қатнови июнь бошида қайта тикланади, деб хабар беради «РБК».
«Қирғиз темир йўллари» маълумотларига кўра, 6 июндан ҳафтада бир марта душанба кунлари Бишкек—Қозон йўналишидаги поезд юра бошлайди. 8 июнь куни Бишкек—Самара поезди ишга туширилади, у чоршанба ва жума кунлари қатнайди.
9 июндан бошлаб эса йўловчилар ҳар саккиз кунда бир марта Бишкекдан Новосибирскка бориши мумкин бўлади.
Мамлакатлар ўртасидаги поезд қатнови 2020 йил мартида коронавирус пандемияси туфайли тўхтатилганди. Темир йўл қатнови қайта тикланишига қарамасдан, COVID-19 бўйича баъзи чекловлар кучда қолади.
Хусусан, йўловчилар манфий натижали ПЗР тест билангина поездга ўтириши мумкин. Маълумотнома чегарани кесиб ўтишдан кўпи билан 72 соат аввал берилган бўлиши керак.
Айни пайтда беш ёшгача бўлган болалар (ҳамроҳлик қилувчи шахсда ҳужжат бўлса), Қозоғистон ҳукумат делегациялари, локомотив ва поезд бригадалари экипажлари учун ПЗР талаб қилинмайди. Шунингдек, Қозоғистонда сўнгги олти ой ичида эмланган ёки қайта эмланганларга ҳам бу талаб тегишли бўлмайди.
Изоҳ (0)