Шавкат Мирзиёев 26 май куни ўтказилган йиғилишда қабул қилинадиган қарорлар билан керакли шарт-шароитлар яратиб берилишини таъкидлади. Бу ҳақда президент матбуот котиби хабар қилди.
Қайд этилишича, энг аввало саноат зоналарида бўш турган 6,6 минг гектар майдоннинг электр, сув, йўл ва бошқа инфратузилма масалалари ҳал қилиб берилади.
Президент топшириғига асосан махсус ишчи гуруҳ саноат зоналарининг инфратузилмасини хатловдан ўтказган ва туман лойиҳалар рўйхатини шакллантирган. Шу муносабат билан мутасаддилар, вилоят ҳокимларига:
- бир ой муддатда 40 та саноат зонасидаги 120 километр йўл бўйича пудратчиларни аниқлаб, қурилиш ишларини бошлаш;
- 1 октябрга қадар 246 та саноат зонасини электр тармоғи, трансформатор ва подстанциялар билан таъминлаш;
- жорий йилда 200 та саноат зонасида 555 километр сув тармоғи ва 110 та сув иншоотини қуриб якунлаш топширилган.
Изоҳ (0)