23 май куни Тошкент вилояти Келес темир йўл бекатида вагон устига чиққан икки нафар мактаб ўқувчисини ток урди, деб хабар беради ИИВ Транспорт ва туризм объектларида хавфсизликни таъминлаш департаменти.
Маълум қилинишича, Қорақалпоғистон Республикаси Тўрткўл туманида яшовчи 14 ёшли Р.С. ва О.Ч. ота-оналаридан назоратсиз қолган вақтда темир йўлда турган юк вагонларининг устига чиққан. Шунда уларни вагон устидан ўтган электр тармоқларида мавжуд юқори кучланишли ток уриб юборган.
Мазкур ҳолат юзасидан Тошкент вилояти Тошкент тумани халқ таълими бўлимига қарашли 12 ва 31-ўрта таълим мактабларида ўқувчи ёшлар ўртасида профилактик учрашув ўтказилган. Йиғилишда ўқувчиларга темир йўлларни белгиланмаган жойдан кесиб ўтмаслик, ҳаракатдаги поезд вагонларига осилмаслик, темир йўл изларига турли жисмларни қўймаслик бўйича маълумотлар берилган.
Эслатиб ўтамиз, 2021 йилнинг январида Тошкентда поезд устида селфи қилмоқчи бўлган 18 ёшли йигитни 27 минг волтли ток урганди. Оқибатда йигит қаттиқ жароҳатланган.
Изоҳ (0)