Ўзбекистон энг кўп олтин сотган давлатлардан бири бўлди

Аввалроқ Ўзбекистон январь—март ойларида 2,9 млрд долларлик олтин сотгани ҳақида хабар берилган эди.

Чорак давомида 25 тонна олтин сотган Ўзбекистон ушбу металлни энг кўп сотган давлатлардан бири бўлди. Бу ҳақда Жаҳон олтин кенгаши хабар берди.

Марказий банклар олтиннинг фаол харидорлари ҳисобланади. Биринчи чорак якунларига кўра, жаҳон Марказий банкларининг олтин-валюта захираларидаги олтин ҳажми 84 тоннага ошган, бу ўтган йилнинг шу даврига нисбатан 29 фоизга кам.

Геосиёсий инқироз ва ортиб бораётган инфляция фонида марказий банкларнинг олтинга бўлган соф талаби алоҳида марказий банклар томонидан металлни катта сотиш туфайли унчалик сезилмади.

Охирги чоракда олтиннинг энг йирик харидори Миср Марказий банки бўлди, у 44 тонна металл сотиб олиб, захирадаги ҳажмини бирданига 54 фоизга оширди.

Иккинчи йирик харидор эса 37 тонна олтин сотиб олган Туркия Марказий банки бўлди. Бу Туркиядаги олтин захираларининг умумий миқдори 430 тоннадан ошиб кетишига сабаб бўлди.

Ҳиндистон 6 тонна олтин сотиб олиб, олтин захирасини 760 тоннага етказди. Металлнинг машҳур харидорлари Ирландия ва Эквадор бўлиб, улар мос равишда 3 ва 4 тонна олтин сотиб олган.

Агар алоҳида марказий банклар томонидан мақсадли сотиш бўлмаса сотиб олинган олтин ҳажми юқорироқ бўлиши мумкин эди.

Чорак давомида Қозоғистон (34 тонна) ва Ўзбекистон (25 тонна) Марказий банклари олтинни энг кўп сотган давлатлар ҳисобланади.

Олтин сотиб олиш ҳажмининг ўсишига сабаб бўлган қўшимча омил Россиянинг олтин-валюта захираларига (ГФР) киритилган санкциялар эди.

Биринчи чоракда Европа Иттифоқи ва АҚШ Россия банки билан барча операцияларни тақиқлади. Кейинчалик санкцияларга Япония ва Канада қўшилди. Натижада 300 млрд долларлик активлар музлатилган.

Аввалроқ Ўзбекистон йил бошидан бери биринчи марта олтин савдосини тўхтатгани ҳақида хабар берилган эди.