Ишлаш-яшаш мувозанати бўйича дунёдаги энг яхши шаҳарлар эълон қилинди

Иш ва ҳаёт мувозанати учун энг яхши шаҳар Норвегия пойтахти Осло ҳисобланади. Бу ҳақда Bloomberg хабар берди.

Бу иш интенсивлиги ва шаҳарнинг яшовчанлиги, шунингдек, сифатли тиббий хизмат, арзон яшаш нархи ва кенг дам олиш каби омиллар асосида кўриб чиқилган Киси тадқиқотларига асосланган.

Финляндия пойтахти Хелсинкидаги оддий ишчи — иш-ҳаёт баланси бўйича учинчи ўринда — ҳар йили тўлиқ ойлик ҳақ тўланадиган таътил олади. Таққослаш учун Лос-Анжелесдаги норма атиги бир ҳафта.

Кўпчилик учун пандемия ҳаёт тарзини қайта кўриб чиқиш ва янги шаҳарга кўчиб ўтиш каби катта ўзгаришлар вақти бўлди.

Меҳнат бозори қизғин давом этар экан, барча соҳаларда карантиндаги уйдан ишлаш режимидан офисга қайтиш режалари муваффақиятсизликка учради.

Масофавий ишдаги мослашувчанликни ёқтириб қолган ходимлар офисдан ишлашга қаршилик кўрсатишди. Кўпчилик мутахассислар агар уларнинг компанияси офисдан ишлашни талаб қилса, иш жойини алмаштиришга тайёр эканлигини билдирди.

Бундай шароитда узоқ вақтдан бери иқтисодий куч бўлган баъзи молиявий ва корпоратив марказлар рейтинги тушиб кетди.

Нью-Йорк шаҳри 100 та шаҳар ичида 59-ўринни эгаллади. У пандемия авж олишидан олдинги йил 38-ўринда, 2019 йилда эса 21-ўринда бўлган.

Лондон анча юқори — 27-ўринни эгаллаган бўлса-да, ўтган йилда 20-ўринда, 2019 йилда эса 12-ўринда бўлган шаҳар эди.

Киси иш интенсивлиги, ҳуқуқ ва аҳоли фаровонлигини баҳолаш учун 130 дан ортиқ маълумот нуқталарида чарчоқ даражаси, соғлиқни сақлаш хизматидан фойдаланиш ва хавфсизлик кўрсаткичлари бўйича АҚШнинг 51 метрополиясини ва дунёнинг 49 йирик шаҳарларини ўрганди.

Сўнгги йилларда бутун дунё бўйлаб ходимлар учун мавжуд бўлган қўллаб-қувватлаш тузилмалари синовдан ўтказилди, — деди Киси бош ижрочи директори Бернҳард Меҳл.