Украинадаги можаро бошқа давлатлардаги инқирозни кучайтирмоқда ва 70 дан ортиқ давлат инфляция ва кредит ставкалари ошиши туфайли дефолтга дуч келиши мумкин, деди БМТ Тараққиёт дастури маъмури Ахим Штайнер Давосдаги Жаҳон иқтисодий форумида (WEF).
Штайнер гап қайси давлатлар ҳақида кетаётганига аниқлик киритмади.
Биз инқирозга унинг катталиги билан таққосланадиган тарзда жавоб беришга ҳаракат қилмоқдамиз. Кўпгина ривожланаётган иқтисодларда шунчаки пул қолмайди, — деди ШтайнерБМТ бош котибининг собиқ ёрдамчиси Марк Маллок-Браун форумда тушунтирганидек, энергия, озиқ-овқат ва қарз фуқаролар даромадларининг пасайишига олиб келади ва кўплаб ривожланаётган мамлакатларда давлат хизматлари ишига таъсир қилади.
Штайнер, ўз навбатида, Ғарб давлатлари ҳозирда Украина бўйича бошқа давлатларга ёрдам кўрсатиш учун бюджетнинг катта қисмини сарфлаётганини ва бу бюджетлар қисқартирилаётганини таъкидлади. Сабаби Европа давлатлари ҳам украиналик қочқинларга ёрдам бериш учун маблағ ажратишга мажбур.
У Россия ва Украинадан дон экинларини етказиб бериш локдаунини олиб ташлашни инқирозни ҳал қилишнинг зарурий қадами деб атади. Бу Россия ва Украина ўртасида уруш бошланганидан кейин юзага келган тақчилликни бартараф қилади ва май ойидаги рекорд нархларни пасайтиради.
S&P Global вице-президенти Даниэль Ергиннинг айтишича, ҳозир дунё араб давлатлари Исроилни қўллаб-қувватловчи давлатларга нефть етказиб беришдан бош тортган 1970 йиллардан бери энг ёмон энергия инқирозига дуч келмоқда.
Ергиннинг сўзларига кўра, энди инқироз нафақат нефтга, балки газ ва кўмирга ҳам таъсир кўрсатди. Энергия нархларининг ўсиши буғдой нархининг ошиши каби озиқ-овқат нархини оширмоқда.
Аввалроқ Шри-Ланка Осиё-Тинч океани минтақасидаги XXI асрда дефолт бўлган илк давлатга айлангани ҳақида хабар берилган эди.
Изоҳ (0)