Марғилонда қўлбола газ ёндиргичлар орқали оҳак ишлаб чиқариш билан шуғулланган яширин цех аниқланди
Фарғона вилоятининг Марғилон шаҳрида 4 дона қўлбола газ ёндиргич орқали оҳак ишлаб чиқариш билан шуғулланган яширин цех аниқланди.
Фото: Бош прокуратура ҳузуридаги департамент
Бош прокуратура ҳузуридаги департаментнинг Фарғона туман бўлими томонидан ўтказилган терговга қадар текширувда аниқланишича, «А.А.» МЧЖга қарашли оҳак ишлаб чиқариш цехи қарздорлик ҳисобига «Марғилон шаҳаргаз» бўлими томонидан табиий газ тармоғидан узилган бўлса-да, МЧЖ норасмий раҳбари М.А. ва бошқалар ушбу манзилда ноқонуний равишда ташкил этилган цехни газ тармоғига ўзбошимчалик билан қайта уланиб, ишлаб чиқариш фаолияти билан шуғулланиб келган.Бунинг оқибатида давлат ва жамият манфаатларига 277,4 миллион сўм зарар етказилган.
Фото: Бош прокуратура ҳузуридаги департамент
Мазкур ҳолат юзасидан Жиноят кодексининг 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)