Ўзбекистон президентининг «Цемент-бетон қопламали автомобиль йўллари тармоғини кенгайтириш чора-тадбирлари тўғрисида»ги қарори қабул қилинди, деб хабар беради Коррупцияга қарши курашиш агентлиги.
Мазкур ҳужжат билан 2022 йилда цемент-бетон қопламали ички йўлларни қуриш ва таъмирлаш ишлари кластер усулида амалга оширилиши белгиланган. Бунда:
- манзилли рўйхатлар Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан секторлар раҳбарларининг жойларда жамоатчилик фикри ва талабини инобатга олган ҳолда билдирган таклифлари асосида шакллантирилади ҳамда Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари томонидан тасдиқланади;
- лойиҳа ташкилотларини жалб этиш, масъул ташкилотлар билан техник шартларни келишиш, лойиҳа-смета ҳужжатларини ишлаб чиқиш ва уларни давлат экспертизасидан ўтказишни ташкил этиш ишлари буюртмачи ташкилотлар томонидан амалга оширилади;
- ишлаб чиқилган лойиҳа-смета ҳужжатлари ҳамда шакллантирилган нархлар «Шаффоф қурилиш» электрон платформаси орқали давлат экспертизасидан ўтказилади;
- кластер усулида цемент-бетон қопламали ички йўлларни қуриш ишларини амалга оширувчи бош пудратчи ташкилот энг яхши таклифларни танлаб олиш орқали аниқланади.
12 май куни АОКАда ўтказилган брифингда «Ўзйўлинспекция» ахборот хизмати раҳбари Комилжон Шамсиддинов инспекция томонидан 2022 йилнинг январь—апрель ойлари давомида йўл қурилиши соҳасида 3 мингдан ортиқ қонунбузарлик ҳолати аниқланганини маълум қилганди.
Изоҳ (0)