Ukraina prezidenti Vladimir Zelenskiy Time 100 ro‘yxatida birinchi o‘rinni egalladi. Unda Amerikaning Time haftalik jurnali o‘quvchilari eng nufuzli odamlarning yillik reytingiga ovoz berishdi. Nashr tahririyati reytingni 23-may kuni e’lon qiladi.
So‘rov natijalariga ko‘ra, Zelenskiy 5 foizga yaqin ovoz to‘plagan, 3,3 milliondan ortiq foydalanuvchi uni eng nufuzli shaxs deb topgan.
Fevral oyida Ukrainada janglar boshlanganida, 2019-yilda Ukraina prezidenti etib saylanishidan avval siyosiy tajribasi bo‘lmagan komediyachi Zelenskiy jahon sahnasiga chiqdi va Ukrainani qo‘llab-quvvatlash uchun yetakchilarni birlashtirdi, — deb tushuntiradi Time o‘quvchilar tanlovini.Reytingning ikkinchi o‘rnini 3,5 foiz ovoz bilan Tesla va SpaceX asoschisi Ilon Mask egalladi. Buyuk Britaniya bosh vaziri Boris Jonson esa kuchli uchlikni (3,4 foiz) yakunladi.
Undan keyingi o‘rinni koronavirusga qarshi kurashayotgan tibbiyot xodimlari (3,2 foiz) egallagan bo‘lsa, kuchli beshlikni AQSH prezidenti Jo Bayden yakunladi.
Time jurnali odatda dekabr oyining oxirgi sonida “yil odami” nomini e’lon qiladi. Bunda tanlov kitobxonlar tomonidan emas, balki ijrochi muharrir tomonidan amalga oshiriladi.
2021-yilda Time jurnali Ilon Maskni “yil odami” deb e’lon qilgan edi.
Izoh (0)