Америкалик хонанда Рианна ва A$AP Rocky биринчи марта ота-она бўлди. TMZ хабарига кўра, жуфтлик ўғил фарзанд кўрган. Чақалоқ 2022 йил 13 май куни Лос-Анжелесда дунёга келган, деб ёзади People Talk.
Она ва боланинг ҳолати жуда яхши бўлгани учун ҳам улар аллақачон уйига қайтган. Жуфтлик ҳозирча илк фарзандига қандай исм қўйганини ошкор қилмаган.
Мусиқачининг фарзандли бўлиши сўнгги ойлардаги энг кутилмаган воқеалардан бири бўлиб, қўшиқчининг атрофида у билан боғлиқ янгиликлар тўхтамади. Бу вақт ичида Рианна ва A$AP Rocky Голливудда энг кўп муҳокамаларга сабаб бўлган жуфтликка айланди. Хонанданинг ажойиб ва баъзан ўта бўрттирилган образларидан тортиб, рэпернинг Рианнага хиёнати ҳақида миш-мишлар тарқалди. Шунингдек, Рианна кўриниш берган либос рангларига кўра унинг фарзанди қиз экани мухлислар томонидан тахмин ҳам қилинганди.
Изоҳ (0)