Ҳеч қачон кеч эмас: Жанет Жексон, Наоми Кемпбелл ва катта ёшида она бўлишга қарор қилган машҳур аёллар (фото)

Тиббиёт улкан қадамлар билан олдинга ҳаракатланмоқда. Агар илгари 40 ёшдан кейин фарзанд кўриш хавфли деб ҳисобланган бўлса, эндиликда 50 ёшдан кейин ҳам она бўлиш ҳеч қандай муаммога олиб келмайди. Замонавий технологиялар фарзанд кўриш орзусидаги аёлларга ёрдам беради. Grazia нашри 1966 йил 16 майда туғилган Жанет Жексоннинг 56 ёшга тўлиши муносабати билан катта ёшида она бўлишга қарор қилган юлдузлар ҳақида маълумотларни тақдим этди.

Жанет Жексон 

Майкл Жексоннинг синглиси биринчи марта 50 ёшида она бўлди. У қатарлик миллионер билан Исса ал-Мана исмли ўғилнинг ота-онасига айланди. Фарзандини 50 ёшида бағрига босган она ўзининг меросхўрини ҳақиқий неъмат деб билишини бир неча бор таъкидлади — чунки унда ҳомиладорлик жараёни осон кечмади. Хонанда ҳатто гастролларни ҳам бекор қилишга мажбур бўлди: у ўз эътиборини оиласига қаратмоқчи эканлигини маълум қилди. Шунингдек, фарзандининг отаси билан муносабатлар тез орада бузилганига қарамай, Жанет ўзини ҳамон энг бахтли одам деб билади.

Наоми Кемпбелл

51 ёшга тўлишидан бироз олдин машҳур моделнинг қизи дунёга келди. «Кичик бахт мени она сифатида танлади. Ҳаётимда шундай самимий қалб борлиги мен учун катта шараф», — деб ёзди Наоми саҳифасида Интернет фойдаланувчиларини ҳайратда қолдириб. Ахир унинг ҳомиладорлигини деярли ҳеч ким кўрмаган. Модель ҳозирги кунга қадар фарзандини ўзи дунёга келтирганми ёки суррогат она ёрдамидан фойдаланганми — бу ҳақда гапирмайди.

Ингеборга Дапкунайте

Энг сирли актрисалардан Ингеборга шахсий ҳаёти ҳақида ҳеч нарсани очиқламайди. Бир неча йиллардан кейингина Ингеборганинг 2013 йилда турмушга чиққани маълум бўлди. Актрисанинг ўғли борлигини дастлаб унинг ҳамкасблари ҳам билмаган. Фақат унинг 55 ёшида юбилейга тайёрланган «Мен ҳақимда ёзилган ҳамма нарса ҳам ҳақиқат эмас» фильмида у ниҳоят ўғли Алексни таништирди. Лекин болакай ўша пайтда атиги 2 ёшда бўлган.

Бригитта Нильсен 

Актриса Бригитта Нильсен «Қизил соч Sonyа» фильмидаги ролидан сўнг, шунингдек, Силвестр Сталлоне билан турмуш қуриши туфайли машҳур бўлди. У беш марта турмушга чиқди ва беш нафар фарзанд кўрди. Бригитта 55 ёшга тўлиши арафасида қизларининг энг кичиги Фридани дунёга келтирди. «Аёллар ҳамма нарса мумкинлигини билишлари керак. Аммо тан олиш керак: умидсизликдан қочиб қутула олмайсиз », — деди у мухлисларга.

Софи Б. Хоукинс 

31 ёшида 15 та эмбрионини музлатиб қўйган Софи орадан 19 йилдан ўтиб, иккинчи марта она бўлишга тайёрлигини англаб етди. «50 ёш — иккинчи фарзанд кўриш учун ажойиб ёш. Мен анча доно ва хотиржамликка эришдим. Шунингдек, баъзи нарсаларга ҳазиломуз муносабатда бўлишни ўргандим. Фарзандим билан бир-биримизни тушунишимиз анча осон ва мен бундай имконият учун жуда миннатдорман», — деди Софи интервьюсида.

Кети Сагал 

2004 йилда Кети икки фарзанди бор Курт Саттер исмли эркакка турмушга чиқди. У турмуш ўртоғининг фарзандларига она бўлди, уларни ўз оиласи каби севди, лекин бир неча йил ўтгач, Кетининг ўзи ҳам фарзандли бўлишни хоҳлаётганини тушунди. Актриса суррогат онанинг ёрдамига мурожаат қилди — чақалоқ Эсме дунёга келганида, Сагал 52 ёшда эди.