1788 та хона, 5 минг кишилик зал ва тилла унитаз: араб шайхларининг ҳашаматли саройлари қандай кўринишга эга? (фото)

Бирлашган Араб Амирликлари президенти ва Абу-Даби амири Халифа ибн Зайд ал-Наҳаён узоқ давом этган касалликдан сўнг 73 ёшида вафот этди. У сайёрадаги энг бадавлат одамлардан бири эди. «Wday.ru» нашри ҳукмдор қандай яшагани ва шайхлардан яна кимлар ҳашаматли сарой ва яхталар сотиб олишга қодирлиги ҳақида маълумот беради.

БАА президентининг Абу-Дабидаги саройи

Бирлашган Араб Амирликлари президенти Халифа ибн Зайд ал-Наҳаён дунёдаги энг бой ҳукмдорлардан бири ҳисобланарди. Унинг шахсий бойлиги 15 миллиард доллардан ортиқ, оила аъзоларининг бойлиги эса 150 миллиард долларга баҳоланган. Ақл бовар қилмайдиган бойлик унга ўз саройларидаги ҳовуз ва фаввораларни Франциянинг Evian шаҳри яқинидаги булоқлардан йиғилган минерал сув билан тўлдиришга имкон беради. Шайх эса дунё бўйлаб жойлашган қароргоҳларининг сонини эслай олмасди ҳам.

Мисол учун, Мадрид яқинида унинг ҳашаматли қасри бор, унга 15 киши қараб туради, президентнинг ўзи ва унинг оиласи у ерда ҳеч қачон бўлмаган. Биргина Лондонда шайхнинг 140 дан ортиқ уйлари бор.

Шайх Абу-Дабидаги президент саройида муҳим меҳмонларни қабул қилади. У ердаги 300 ўринга мўлжалланган банкет зали бўлиб, барча столларга 149 000 дона чинни идиш-товоқ қўйилган. Уйдаги тилла унитаз ҳақида гапириш ноқулай бўлса-да, улар учун бу мутлақо табиий ҳол.

Шайх Муҳаммаднинг Дубайдаги саройи

Дубай амири Муҳаммад ибн Рашид ал-Мактум БАА бош вазири ва вице-президенти ҳисобланади. Шайх жуда бадавлат бўлиб, унинг шахсий бойлиги 4 миллиард доллардан ошади. Айтишларича, унинг уйидаги конфетлар ўрами истеъмол қилса бўладиган олтиндан тайёрланган.

Муҳаммад дунёдаги зотдор отларнинг эгаси, отхона учун ноёб ўт тўғридан-тўғри Австралиядан келтирилади. Сарой арабча услубда қурилган ва уни фақат ташқи томондан кўриш мумкин. Туристларга хиёбон бўйлаб асосий арккача ва орқага таксида тўхтовсиз саёҳат қилишлари мумкин.

Чет элликлар саройга киришлари мумкин эмас, шунинг учун қимматбаҳо тошли қандиллар, қизил ёғочдан ясалган мебеллари, нақшинкор деворлар, шойи ва ипак матоларни фақат расмий фотосуратлардан томоша қилиш мумкин.

Бруней султони саройи

«Нурул Имон» («Имон нури») деб номланган сарой Бруней султони Ҳассанал Болкиаҳнинг асосий қароргоҳи ҳисобланади. Нурулнинг бойлиги 20 миллиард долларга баҳоланган ва унинг қароргоҳи дунёдаги энг катта бино ҳисобланади. У ҳатто энг катта турар жой мажмуаси сифатида Гиннеснинг рекордлар китобига кирган. 200 минг квадрат метр ҳудуддаги уйда 1788 хона, 257 ҳаммом, 18 лифт, 5 та сузиш ҳавзаси, 5 минг кишилик зали ва 1,5 минг нафар намозхон учун масжид бор.

Гараж шундай қурилганки, у камида 110 та машинани сиғдира олади, отхона эса 200 отга мўлжалланган. Ҳатто олтин билан қопланган ҳожатхона чўткалари ҳам ҳашаматдан дарак беради. Бундан ташқари, султоннинг яна учта саройи бор.

Шайх Исонинг Баҳрайндаги уйи

Баҳрайн давлатининг биринчи амири Исо ибн Салмон ал-Халифа 1999 йилда вафот этган. Унинг ўрнига Ҳамад II бўлган тўнғич ўғли тахтга ўтирди ва у отасининг ҳозиргача унинг номи билан аталадиган улкан уйини мерос қилиб олди.

Турар жойнинг тарихи 1800 йилга бориб тақаладиган саройда масжид ҳам қурилган. Бу ерда қирол оиласининг бир неча авлодлари фарзандлари ва набираларини тарбиялаган. Бу нафақат уй, балки юқори мартабали меҳмонларни қабул қилиш учун вилла ҳисобланади. Ҳозирда сарой омма учун очиқ, сайёҳларга ҳам саройни томоша қилишга рухсат берилади.