Баъзида машҳур инсонлар фақат ўзларининг доирасидагилар билан мулоқот қилади ва оддий одам бўлишни бутунлай унутиб қўяди. Аммо ҳамма ҳам бундай эмас. Юлдузлар орасида атрофидаги одамларга фаол кўмаклашадиган, ҳайвонларга ғамхўрлик қиладиган ва ҳатто бегоналардан ҳам ўз ёрдамини аямайдиганлари бор. AdMe нашри меҳрибонлиги туфайли ҳам яна бир бор ҳурматга сазовор бўлган актёр ва актрисалар ҳақида қизиқарли маълумотлар билан бўлишди.
Райан Рейнолдс
Голливуд актёри Райан кунлардан бир куни 9 ёшли болага ажойиб совға тайёрлади. Актёр ўз мухлиси Демиеннинг туғилган кунига видеомурожаат йўллади. Демиен туғилган кунидан бир кун аввал оиласи билан бошқа шаҳарга кўчиб ўтиб, янги мактабга бориши керак эди. Шу туфайли ўзининг туғилган кунини дўстларисиз нишонлашидан хавотирга тушди.
Райаннинг сўзларига кўра, унинг ўзи ҳам худди шунга ўхшаш ҳолатни бошдан кечирган. Актёр Демиенни ёлғиз эмаслигига ишонтирди ва уни туғилган куни билан табриклади.
Шарлиз Терон
Голливуднинг таниқли актрисаси Шарлиз Терон Африкага ёрдам бериш жамғармасига пул ўтказиш учун ўзи билан ташкил этиладиган учрашувни аукционга қўйди. Бу фонднинг хайрия кечасида амалга оширилди. Лот ажойиб тарзда ўтди ва актриса хайрия учун яхши миқдорда пул тўплашга муваффақ бўлди.
Эмма Уоцон
Яна бир маҳоратли актриса Эмма Уоцон бутун дунё бўйлаб аёллар ҳуқуқларини ҳимоя қилишда ҳамда турли ижтимоий тадбирларда фаол иштирок этади. «Кичкина аёллар» фильми чиқиши арафасида актриса одамларни кўпроқ ўқишга ундаш учун дунёнинг турли жойларига китоб яшириб чиқди.
Гап шундаки, актриса бошқа китобхонлар топиши учун бутун дунё бўйлаб китобларни яширадиган «Китоб фариштаси» (Book fairies) ҳаракатига қўшилди. Шунингдек, Эмма яширилган китоб нусхаларига ўз қўли билан ёзилган эслатмаларни ҳам киритди.
Том Ҳолланд
Том бўш вақтида ҳам супер қаҳрамон бўлишни тўхтатмайди. Актёр вақти-вақти билан ўргимчак одам костюмини кияди ва шифохоналардаги болаларни кўриш учун боради. Актёр у ерда болаларнинг кўнглини кўтаради, улар билан ўйнайди, уларга турли хил трюклар кўрсатади.
Орландо Блум
Актёр нафақат экранда, балки ҳаётда ҳам эзгу ишларга қодир. Бир куни Orlando ўғли билан соҳилда дам олаётган эди, кимнингдир скутери денгизда бузилиб қолди. Хайриятки, ҳайдовчи ўзи қирғоққа чиқишга муваффақ бўлди. Актёр бошқалар билан бирга эркакка синган гидроциклни қуруқликка олиб чиқишга ёрдам берди.
Жейк Жилленхол
Бир куни Жейк харид қилгандан сўнг баъзи тўхташ жойларининг тўлов қилиш муддати тугашини пайқаб қолди. Актёр ўйлаб ўтирмасдан, нотаниш одамларга тўхташ жойи учун пул тўлади ва шу билан уларни жарималардан сақлаб қолди.
Ким Кардашьян
Ким нафақат жозибали юлдуз, балки жуда яхши хайриячи ҳамдир. У қийин аҳволда қолган ёлғиз оналар фондига катта миқдорда хайрия қилган. Улардан бирининг сўзларига кўра, ижара ҳақини зудлик билан тўлаши керак бўлганидан бир неча соат олдин Кимдан ёрдам келган.
Мэттью Макконахи
Актёр Луизианадаги довул оқибатларидан жуда хавотирга тушди. У ҳақиқатан ҳам ёрдам беришни хоҳлади, шунинг учун кўнгиллилар гуруҳи билан зарар кўрган минтақага борди. У ерда Макконахи маҳаллий шифокорга уй ҳайвонларини ташишда ёрдам берган. Улар жами 70 дан ортиқ уй ҳайвонларини қутқариб қолишди.
Шаҳзода Уильям
Уильям қироллик оиласида туғилганига қарамай, машаққатли меҳнатдан қочмайди. Университетга киришдан олдин у бир йил давомида кўнгиллилар дастурида иширок этди. Шаҳзода Белизда қанчадир вақт давомида бўлиб қайтганидан кейин, Буюк Британиядаги фермада ишлаган. Сўнгра у бутунлай Чилининг чекка ҳудудига жўнади ва у ерда пиёдалар учун йўллар қуришга ёрдам берди ва қишлоқлардан бирида инглиз тилидан дарс ҳам ўтди.
Шаҳзода Гарри
Шаҳзода Гарри ҳам акаси сингари муҳтожларга ёрдам беришга доимо тайёр. Поло хайрия мусобақаларининг бирида бизнесмен эркак отдан йиқилиб, ҳушини йўқотди. Гарри унинг олдига югурди ва биринчи ёрдам кўрсатди. Шифокорлар шаҳзоданинг ўз вақтида қилган ҳаракатлари орқали эркакнинг ҳаётини сақлаб қолганини таъкидлади.
Леонардо Ди Каприо
Дунё бўйлаб машҳурлигига қарамай, Леонардо умуман юлдузлик касалига чалинмаган. Бир куни актёр автоҳалокатга учради: унинг машинасига бошқа машина келиб урилганди. У бошқа ҳайдовчи билан биргаликда аварияга сабабчи бўлган аёлга машинасидан тушишига ёрдам берган. Ди Каприо воқеа айбдорига қарши қандайдир айблов қўйгани ҳақида эса умуман маълумот йўқ.
Ченнинг Тейтум
Ченнинг нафақат истеъдодли актёр, балки ёзувчи ҳамдир. Яқинда у болалар учун «Ягона ва бетакрор Sparkэлла» китобини чиқарди. Татумнинг сўзларига кўра, қизи уни ижод қилишга илҳомлантирган. Китоб эса бесцеллерга айланди.
Изоҳ (0)