Уйдаги аслида тез-тез алмаштирилиши керак бўлган, аммо кўпчилик узоқ вақт фойдаланадиган 9 та буюм

Баъзи нарсалар керак бўлганидан кўра узоқроқ сақланади ва ишлатилади. Ёстиқ жилди ёки сув фильтри ўз вақтида алмаштирилмаса, муаммо манбаига айланиши мумкин. AdMe нашри маълум вақтдан сўнг алмаштириш керак бўлган рўзғор буюмларини санаб ўтди.

Сув фильтри

Кўпчилик сув фильтрини фойдаланиш давомида ювилади, деб ўйлайди. Аслида у тез-тез янгиланмаса, бактериялар учун кўпайиш жойига айланиши мумкин. Уни ўртача ҳар олти ойда бир марта алмаштириш тавсия этилади.

Дазмол

Афсуски, барча дазмоллардан 10-12 йил давомида муаммосиз фойдаланиб бўлмайди. Уларга одатда 1 йилга кафолатга берилади. Агар ушбу муддатдан кейин дазмол яхши ишламаса, масалан, кийимларни дазмоллаш одатдагидан кўпроқ вақт талаб қилса ёки ҳатто уларни куйдириб қўйса, янги техника харид қилиш вақти келган бўлиши мумкин. Дазмолни алмаштириш аслида уни таъмирлаш ёки янги кийим сотиб олишдан кўра камроқ қийинчилик ва харажат талаб қилади.

Тозалаш учун латталар

Пол артиш учун ажратилган матони ҳар 2 ойда ўзгартириш тавсия этилади. Агар бу амалга оширилмаса, эскирган латталар полни тозаламаслиги, балки уни янада кўпроқ ифлослантириши мумкин. Чунки эски латта устида микроб ва бактериялар тўпланиши турган гап.

Вазият бошқа чанг латталар билан бир хил. Уларни ҳам ҳар 2 ойда бир марта ўзгартириш ва раковина остида ёки шкафда нам ҳолида қолдирмаслик керак. Энг кераклиси, улардан ҳар сафар фойдаланилгач ювиш ва қуритиш лозим.

Эшик гиламчаси

Эшик остидаги гиламни алмаштириш уйни тоза сақлашга ёрдам беради. У сотиб олинганидан кейин 2 йил ўтгач ёки аввалроқ эскирган бўлса, алмаштирилиши керак. Шунинг учун бир нечта гилам харид қилинса, тез-тез алмаштириб туриш мумкин ва бунинг учун кўп вақт сарфлашнинг кераги бўлмайди.

Ёстиқ жилдлари

Ёстиқ жилдларида чанг тўпланиши табиий, шунинг учун уларни бир ҳафта давомида ишлатиш мумкин ва ҳар 1-2 йилда эса ўзгартириш тавсия этилади. Ҳафтада бир марта чойшабни ювишдан ташқари, ёстиққа чанг ўтказмайдиган антиаллергик қопламалар қўйиш мумкин. Бундан ташқари, ёстиқ жилдини бактерияларнинг кўпайиш жойига айлантирмаслик учун нам сочлар билан ётмаслик керак.

Вантуз

Ушбу восита бир неча йил хизмат қилиши мумкин. Уни алмаштириш вақти келганини тушуниш осон: вантуздан фойдаланганда вакуум ҳосил қилиш керак. Борди-ю бундай қила олмаса ва осилиб қолса, янгисини сотиб олишга арзийди.

Автокресло

Автокреслоларнинг ҳам яроқлилик муддати борлигини кўпчилик билмайди. Материаллар вақт ўтиши билан ёмонлашади ва шунинг учун эскирган қурилмалардан фойдаланиш хавфсиз бўлмаслиги мумкин. Уларнинг хизмат қилиш муддати 5-6 йил. Шунингдек, ҳар бир модель амал қилиш муддатига эга.

Микротўлқинли печ

Микротўлқинли печлар тахминан 10 йил хизмат қилади, аммо бу вақт уларни алмаштиришнинг ягона сабаби эмас. Қурилманинг тўғри ишлаётганига ишонч ҳосил қилиш учун у ёқилганда чиқарадиган товушларни тинглаш керак. Ноодатий товушларга қўшимча равишда, печни янгисига алмаштириш сабаби унинг секин ишлаши ёки эшигининг ишдан чиқиши бўлиши мумкин.

Душ пардаси

Душ пардаларини ҳар ойда камида икки-уч марта ювиш ва йилига бир марта алмаштириш тавсия этилади. Агар парда етарлича тозаланмай, унда моғор белгилари пайдо бўлса, уни олиб ташлаш ва янгисини сотиб олиш керак.