Bugun,

  • USD 11014.01
  • RUB 191.8
  • EUR 10674.78

Shunday narsalar borki, uyingizni toza saqlash uchun har kuni yuvishni talab qiladi. Xo‘sh, har kuni tozalash kerak bo‘lgan narsalar nima?

Rakovina

Foto: Stock Adobe

Foto: Stock Adobe

Qo‘lni yoki idishlarni yuvgandan so‘ng rakovina tozadek ko‘rinishi mumkin, lekin aslida unda kir va bakteriyalar qoladi. Agar tozalikka jiddiy yondashsangiz, kirlarni ketkazish uchun lastik tipidagi gubkada tozalang. So‘ngra rakovinani iliq suvga to‘ldirib, bir osh qoshiq dezinfeksiyalovchi vosita qo‘shib tozalash kerak. Aralashmani besh daqiqaga qoldiring, so‘ngra rakovinani yuvib quriting.

Oshxona va hammom sochiqlari

Foto: Stock Adobe

Foto: Stock Adobe

Sochiqlar kir bo‘lib ko‘rinmasligi mumkin, ammo tadqiqotlarda ma’lum bo‘lishicha, ular oshxonadagi eng iflos buyum deb topildi. Kichkina hammom sochiqlari uchun ham xuddi shunday. Agar ularni kuniga bir martadan ko‘p ishlatsangiz, qo‘l sochiqlari tezroq ifloslanadi. Ularni har ikki kunda, katta oila bo‘lsangiz, har kuni almashtirish kerak.

Stol yuzasi

Foto: Stock Adobe

Foto: Stock Adobe

Stol ustiga nimalarni qo‘yishingiz haqida o‘ylab ko‘rganmisiz? Mashina va uy kalitlari, pochta, sumkalar, hamyonlar va boshqa ko‘p narsalar. Bularning barchasi qanchalik iflos ekanligini sezmaslikning iloji yo‘q, agar ovqat va undan qolgan qoldiqlar haqida o‘ylasangiz, u hatto dahshatli bo‘lishi mumkin. Shuning uchun har kuni stol ustini artib, dezinfeksiya qilish kerak.

Yuvilmagan idishlar

Foto: Stock Adobe

Foto: Stock Adobe

Idish-tovoqda qolgan sous va ushoqlar hasharotlarni o‘ziga jalb qilishi va yuvishni qiyinlashtirishi mumkin. Idishlarni qo‘lda yuvasizmi yoki idish yuvish mashinasiga solasizmi, qanday bo‘lsa ham, tezroq yuvilgani ma’qul.

Qahva qaynatgich

Foto: Stock Adobe

Foto: Stock Adobe

Agar har kuni qahva qaynatsangiz, unda qahva qaynatgich bakteriya va mog‘orlar uchun ko‘payish joyi deb hisoblash mumkin. Qahva qaynatgichning olinadigan qismlarini har foydalangandan keyin yuvgan ma’qul. Uni rakovinada sovunli iliq suv yoki idish yuvish mashinasida yuvish mumkin.

Dush devorlari

Foto: Stock Adobe

Foto: Stock Adobe

Har foydalangandan keyin dush devorlarini artib olish muhim. Agar u plitka bo‘lsa, unda tozalash yuzasida izlardan xalos bo‘lishga yordam beradi, agar plastik bo‘lsa, muntazam tozalashni talab qiladi. Har qanday holatda ham devorlardan ortiqcha namlikni artib, mog‘or paydo bo‘lishining oldini olish lozim.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi