Хонадондан жой олган доимий жиҳозлар ҳам саломатлик учун хавфли бўлиши мумкин. «Новий очаг» нашри буюмларнинг яширин хавфи таҳдид солмасидан аввал улардан халос бўлишни тавсия этади.
Диван ва кресло
Диванни умуман олганда тўрт оёқли дўст эмас, балки яширин қотил деб аташ мумкин. Гап шундаки, муаммо унинг фақат жисмоний фаолиятдан чалғитиши ва ўтроқ турмуш тарзига ўргатишида эмас. Кўплаб юмшоқ мебель ва ҳатто матраслар саратон турларининг ривожланишига олиб келиши мумкин бўлган ёнғинга чидамли махсус восита билан ишлаб чиқарилади. Бундан ташқари, мебелларда учрайдиган чанг энг хавфли кимёвий моддалар рўйхатига киради. Шунинг учун севимли диван ва креслоларни мунтазам равишда мукаммал тозалашга ҳаракат қилиш лозим.
Гилам ва пардалар
Агар оила аъзолардан кимдир чекса, чанг йиғувчи деб аталадиган жиҳозлардан парда, гилам, юмшоқ ўйинчоқлар ҳақиқатан ҳам хавф туғдириши мумкин. Гап шундаки, ушбу жиҳозлар сигарет тутунининг қўшимча маҳсулоти бўлган кадмийни ўзида тўплайди, у ҳам кансероген ҳисобланади ва умри давомида ҳеч қачон чекмаган одамларда ҳам ўпка саратони ривожланишига олиб келиши мумкин. Шунинг учун уй ичида чекишга йўл қўймаслик ва барча чиқинди қутиларини мунтазам равишда бўшатиб туриш лозим.
Чарм ва ёғоч мебеллар
Ёғочдан ясалган ёки чарм билан қопланган мебель сотиб олаётганда, ишлаб чиқаришда хром ишлатилганми ёки йўқлигини текшириб кўришни унутмаслик керак. Ушбу элемент кансероген сифатида саломатликка салбий таъсир кўрсатиши мумкин.
Тозаловчи маҳсулотлар
Маиший буюмларни тозаловчи кимёвий моддалар уйдаги энг хавфли нарсалардан биридир. Шу туфайли мунтазам равишда ишлатадиган маҳсулотларнинг таркибини диққат билан ўрганиш муҳим, айниқса, формалдегидни ўз ичига олган маҳсулотлардан фойдаланмаслик керак. Ушбу хавфли кансероген косметика, тозалаш воситалари, бўёқларда ҳам мавжуд бўлиши мумкин. Ҳар бир инсон бу каби буюмларни сотиб олишдан олдин маҳсулот таркибини диққат билан ўқиб чиқиши мақсадга мувофиқ.
Жалюзилар
Кўпинча жалюзилар самарадорлик мақсадида саратон хавфини оширадиган фталатларни ўз ичига олган пластмассадан тайёрланади. Иложи бўлса, ёғоч ёки мато каби бошқа материаллардан тайёрланган пардаларни танлаш саломатлик учун фойдали.
Ҳашаротларга қарши воситалар
Кунлар исиши билан фойдаланиладиган пашша ва чивинлардан, уй ҳайвонларини эса бургалардан ҳимоя қилувчи спрейлар таркибида пестицидлар — кимёвий бирикмалар бўлиши мумкин. Афсуски, улар ҳам кансероген ҳисобланади. Саломатликни ҳимоя қилишнинг энг яхши усули — табиий воситалардан фойдаланишдир. Аммо спрей маҳсулотни афзал кўрсангиз, уларнинг таркибини диққат билан ўрганиб чиқиш тавсия этилади.
Изоҳ (0)