АҚШ Ҳарбий ҳаво кучлари гипертовушли ракетани муваффақиятли синовдан ўтказди, деб ёзади «РБК».
HHK баёнотига кўра, 14 май, шанба куни Жанубий Калифорния қирғоқбўйида B-52 бомбардимончи самолёти тезкор жавоб кўрсатувчи гипертовушли ракетани учирган. Синовлар чоғида ракета товуш тезлигидан беш баробар катта бўлган тезликка эришган.
АҚШ ўз гипертовушли ракетасини яратгани ҳақида 2020 йил майида ўша вақтдаги президент Дональд Трамп маълум қилган эди, у ушбу ракетани «супер-дупер» деб таърифлаганди. Собиқ етакчи америкалик ҳарбийлар томонидан ишлаб чиқилаётган ракета дунёда энг тез ҳисобланган ракетадан 17 баробар тезкорроқ бўлишини ва 1,6 минг км масофадаги нишонни бориб уришини айтганди.
Шундан кейин АҚШ гипертовушли ракета синовлари ҳақида бир неча марта хабар берди. Хусусан, CNN март ойида ракета B-52 бомбардимончисидан учирилганини маълум қилганди.
Изоҳ (0)