Илон Маскнинг айтишича, 44 млрд долларлик Twitter битими ижтимоий тармоқдаги сохта аккаунтлар сони 5 фоиздан пастга тушмагунча амалга ошмайди. Бу ҳақда «Коммерсантъ» хабар бермоқда.
Менинг таклифим Twitter ҳисоботининг тўғрилигига асосланган эди. Кеча Twitter бош директори ижтимоий тармоқда спам-аккаунтларнинг 5 фоиздан камроғи рўйхатга олингани ҳақида далилларни тақдим этишдан оммавий равишда бош тортди. У бу далилни келтирмагунча келишув олдинга силжий олмайди, — деб ёзди Илон Маск Twitter’да.Бир неча соатдан кейин Twitter музокара келишилган нархда ва келишилган шартларда «имкон қадар тезроқ» якунлаш ниятида эканлигини маълум қилди.
Апрель ойи ўрталарида Twitter Маскни акциялар билан боғлиқ фирибгарликда айблаб судга берган эди. Маск эса Twitter’ни сотиб олиш учун 43 млрд доллар нақд пул таклиф қилган эди.
21 апрель куни эса Илон Маск Twitter’ни сотиб олиш ҳаракатлари доирасида АҚШда 3 та холдинг компаниясини рўйхатдан ўтказган эди.
16 май куни Майамида бўлиб ўтган онлайн конференцияда сўзга чиққан тадбиркор Twitter’даги ботлар сони камида 20 фоизни ташкил этишини, ижтимоий тармоқ раҳбарияти эса 5 фоизни талаб қилишини айтди.
Изоҳ (0)