Президент Шавкат Мирзиёевнинг қарори билан аҳолига наркологик ёрдам кўрсатиш тизими такомиллаштирилади. Бу ҳақда Telegram’даги «Нигоҳ» канали хабар берди.
Қарорга кўра, ички ишлар органларига ўз ташаббусига кўра наркологик касалликларга чалинган шахсларни мажбурий даволашга юбориш юзасидан ҳужжатларни тайёрлаш ва расмийлаштириш ҳуқуқи берилади.
2023 йил 1 январдан бошлаб:
- наркологик касалликларга чалинган шахсларни мажбурий даволашга юбориш бўйича барча тиббий текширувларни наркология диспансерларининг ўзида, зарур ҳолларда бошқа муассасаларда амалга оширилади;
- наркология диспансерларидаги мавжуд койкалар ҳақидаги маълумотларни реал вақт режимида олиш имконияти яратилади.
- наркологик касалликларга чалинган шахсларни мажбурий даволашга юбориш тўғрисидаги ишларни электрон тарзда судларга юбориш ва судлар томонидан уларни видеоконференцалоқа режимида кўриб чиқиш мумкин бўлади;
- наркология диспансерларидаги мавжуд бўш койкалар сони тўғрисида маълумотларни реал вақт режимида олиш имкониятини берувчи ахборот тизими ишлаб чиқилади ҳамда Олий суд ва ИИВга ушбу тизимдан фойдаланиш имконияти яратилади.
Эслатиб ўтамиз, Шавкат Мирзиёев 2020 йилда «Наркологик касалликлар профилактикаси ва уларни даволаш тўғрисида»ги қонунни имзолаганди. Қонунга кўра, наркологик касалликка чалинган шахсни даволаш унинг ёки қонуний вакилининг ёзма розилиги олинганидан кейин амалга оширилади. Мажбурий даволаш ҳолатлари бундан мустасно.
Изоҳ (0)