Ўзбекистонда 2022 йилининг дастлабки 4 ойида Cobalt ва Lacetti энг кўп ишлаб чиқарилган автомобиллар бўлди. Бу ҳақда Давлат статистика қўмитаси хабар бермоқда.
Йил бошидан бери UzAuto Motors қарийб 90 минг дона автомобиль, шундан 28 690 та Cobalt ва 26 305 та Lacetti ишлаб чиқарган.
Бироқ айнан мана шу иккала моделга энг кўп навбатлар юзага келмоқда. Бу Uzavtosavdo иловасида қайд этилган.
Cobalt’нинг 4 хил позицияси учун ҳозирда 17 мингдан ортиқ одам навбатда турибди — автомобилни, тахминан, энг қисқа муддатда август ойида, энг узоқ муддатда эса 2023 йилда олиш мумкин.
Gentra учун 17 мингга яқин одам навбатга ёзилган — автомобилни 31 декабргача олиш мумкин.
Ҳамёнбоп моделлар орасида Nexia модели энг яхши таклиф бўлиб турибди – улар сотувда бор, навбатлар эса нисбатан камроқ — 700 дан ортиқ. Автомобиль ҳозирнинг ўзида буюртма қилинса, қачон олиш мумкинлиги номаълум.
Аввалроқ Сobalt Қозоғистонда энг кўп сотилган автомобилга айлангани ҳақида хабар берилган эди.
Изоҳ (0)