Prezident Shavkat Mirziyoyevning qarori bilan aholiga narkologik yordam ko‘rsatish tizimi takomillashtiriladi. Bu haqda Telegram’dagi “Nigoh” kanali xabar berdi.
Qarorga ko‘ra, ichki ishlar organlariga o‘z tashabbusiga ko‘ra narkologik kasalliklarga chalingan shaxslarni majburiy davolashga yuborish yuzasidan hujjatlarni tayyorlash va rasmiylashtirish huquqi beriladi.
2023-yil 1-yanvardan boshlab:
- narkologik kasalliklarga chalingan shaxslarni majburiy davolashga yuborish bo‘yicha barcha tibbiy tekshiruvlarni narkologiya dispanserlarining o‘zida, zarur hollarda boshqa muassasalarda amalga oshiriladi;
- narkologiya dispanserlaridagi mavjud koykalar haqidagi ma’lumotlarni real vaqt rejimida olish imkoniyati yaratiladi.
- narkologik kasalliklarga chalingan shaxslarni majburiy davolashga yuborish to‘g‘risidagi ishlarni elektron tarzda sudlarga yuborish va sudlar tomonidan ularni videokonferensaloqa rejimida ko‘rib chiqish mumkin bo‘ladi;
- narkologiya dispanserlaridagi mavjud bo‘sh koykalar soni to‘g‘risida ma’lumotlarni real vaqt rejimida olish imkoniyatini beruvchi axborot tizimi ishlab chiqiladi hamda Oliy sud va IIVga ushbu tizimdan foydalanish imkoniyati yaratiladi.
Eslatib o‘tamiz, Shavkat Mirziyoyev 2020-yilda “Narkologik kasalliklar profilaktikasi va ularni davolash to‘g‘risida”gi qonunni imzolagandi. Qonunga ko‘ra, narkologik kasallikka chalingan shaxsni davolash uning yoki qonuniy vakilining yozma roziligi olinganidan keyin amalga oshiriladi. Majburiy davolash holatlari bundan mustasno.
Izoh (0)