«Женоа» Италия чемпионатининг 37-турида «Наполи»га 0:3 ҳисобида имкониятни бой берди.
Генуяликлар А Серияда 19-ўринни банд этиб турибди. Жамоа 17-ўринда бораётган «Салернитана»дан 3 очко ортда қолмоқда, аммо ўзаро ўйинларга кўра Saleрно клубидан паст натижа кўрсатгани ҳисобига 18-ўриндан юқорига кўтарила олмайди.
Шу тариқа «Женоа» 15 мавсум деганда илк бор Италия юқори дивизионини тарк этди. Ўз тарихи давомида Генуя клуби 9 марта Б Серияга йўл олди. Охирги марта жамоа 1994/95 йилги мавсумда А Сериядан тушиб кетган эди.
Аввалроқ «Венеция» А Серияни тарк этганди. Сўнгги турда «Салернитана» ва «Кальяри» қуйи лигага ким равона бўлишини аниқлайди.
Эслатиб ўтамиз, ҳозирда «Рома» сафида тўп сураётган Элдор Шомуродов 2020/21 йилги мавсумни «Женоа» сафида ўтказганди.
Изоҳ (0)