Россиянинг Санкт-Петербург шаҳрида 12—15 май кунлари Меҳрибонлик уйлари тарбияланувчилари ўртасида XVIII халқаро футбол турнири бўлиб ўтди.
Мусобақада 11-12 ёшли тарбияланувчиларидан ташкил топган терма жамоалар соврин учун кураш олиб борди. Тошкент шаҳридаги 21 ва 22-сонли ҳамда Чирчиқ шаҳридаги 14-сонли Меҳрибонлик уйлари тарбияланувчиларидан иборат Ўзбекистон терма жамоаси аъзолари мусобақа ғолибига айланди. Бу ҳақида Халқ таълими вазирлиги маълум қилди.
22-сонли Меҳрибонлик уйи тарбиячиси Абдулазиз Маннопов бошчилигидаги Ўзбекистон терма жамоаси «Шатлова» жамоаси устидан 4:1 ҳисобида ғалаба қозониб, финал босқичига йўл олди. Ҳал қилувчи баҳсда ўзбекистонлик ёшлар «Курск» терма жамоасини 5:4 ҳисобида мағлуб этиб, 1-ўринни эгаллади.
Эслатиб ўтамиз, Меҳрибонлик уйлари ўртасида 2018 йилги Жаҳон Чемпионатида Ўзбекистон терма жамоаси бош совринга эга чиққанди.
Изоҳ (0)