Футбол бўйича Англия Премьер Лигасининг 37-тури доирасидаги қатор ўйинлар 15 май, якшанба куни бўлиб ўтди.
«Манчестер Сити» Лондонда «Вест Ҳэм» билан ўйнади. Биринчи бўлимда Жаррод Боуэн дублни расмийлаштирган ҳолда майдон эгаларини танаффусга ғолиб ҳолда чиқишини таъминлади.
Иккинчи бўлим дебютида Жек Грилиш ҳисобни қисқартирган бўлса, 62-дақиқада «шаҳарликлар» автогол эвазига мувозанатни тиклади. Манчестер жамоаси сўнгги дақиқаларда ғалабани илиб кетиши мумкин эди, бироқ Риёд Маҳрез пенальтидан унумли фойдалана олмади.
«Манчестер Сити» сўнгги тур олдидан 90 очко билан пешқадам бўлиб турибди ва битта захира ўйинига эга «Ливерпуль»дан уч очко олдинда. «Вест Ҳэм» 56 очко билан 7-поғонани банд этиб турибди.
«Тоттенҳэм» ўз уйида «Бёрнли»ни қабул қилди. Биринчи бўлим якунланиши арафасида «шпорлар» пенальти тепиш имкониятига эга бўлди. 11 метрлик жарима зарбасидан Ҳарри Кейн унумли фойдаланди. Бу амалга ўйин тақдирини ҳал қилди.
Ушбу ғалаба эвазига «Тоттенҳэм» очколарини 68 тага етказиб олган ҳолда 4-ўринга кўтарилди ва ушбу турдаги ўйинини ўтказмаган «Арсенал»дан 2 очко олдинда бормоқда. «Бёрнли» (34) 17-ўринда қолди.
АПЛ
37-тур баҳси
15 май, якшанба
«Вест Ҳэм» — «Манчестер Сити» 2:2
Голлар: 1 :0 – 24 Боуэн, 2:0 – 45 Боуэн, 2:1 – 49 Грилиш, 2:2 – 69, автогол Соуфал.«Вест Ҳэм»: Фабианьски, Соуфал, Доусон, Zuma, Крессуэлл, Лансини (Нобл, 77), Соучек, Райс, Форнальс (Жонсон, 90+2), Антонио (Ярмоленко, 90+5), Боуэн.
«Манчестер Сити»: Эдерсон, Жоау Канселу, Фернандиньо, Ляпорт, Зинченко, де Брюйне, Бернарду Сильва, Родри, Грилиш, Маҳрез, Габриэль Жезус.
Огоҳлантиришлар: Боуэн (32), Соуфал (58), Фабианьски (60), Габриэль Жезус (90+4).
«Тоттенҳэм» — «Бёрнли» 1:0
Гол: 1:0 – 45, пенальти Кейн.«Тоттенҳэм»: Льорис, Emerson (Родон, 90), Дайер, Дэвис, Санчес, Ҳёйбьерг, Сессеньон, Сон Ҳён Мин, Лукас Моура (Кулусевски, 79), Бентанкур, Кейн.
«Бёрнли»: Поуп, Робертс, Лоутон (Леннон, 78), Лонг, Коллинз, Тэйлор, Корк, Браунхилл, Барнс (Вегорст, 78), Корне, Макнил.
Огоҳлантиришлар: Робертс (27), Поуп (45), Лукас Моура (49), Льорис (86), Кулусевски (90).
Изоҳ (0)