Футбол бўйича Италия А Сериясининг 37-турида «Рома» 14 май, шанба куни «Венеция» билан баҳс юритди.
Римда кечган баҳсда тезкор гол кузатилди. 1-дақиқада Давид Окереке «Венеция» ҳисобни очди. Ўйиннинг катта қисмида шу ҳисоб сақланиб турди. Фақатгина 75-дақиқага келиб, захирадан ўйинга қўшилган Элдор Шомуродов кучли зарбаси билан дарвозасини ишғол қилди ва «Рома»ни мағлубиятдан қутқариб қолди.
Қайд этиш керак, меҳмонлар 32-дақиқадан бошлаб бир киши кам бўлиб қолди. Софьян Кюин қизил карточка олиб, майдонни шерикларидан аввал тарк этди.
Ушбу дурангдан кейин Жозе Моуриньо шогирдлари очколари сонини 60 тага етказиб олди, жамоа 6-ўринда бормоқда. «Венеция» (26) эса сўнгги, 20-поғонани банд қилган.
А Серия
37-тур баҳси
«Рома» – «Венеция» 1:1
Голлар: 0:1 – 1 Окереке, 1:1 – 76 Шомуродов.«Рома»: Руй Патрисиу, Смоллинг, Кумбула (аш-Шаарави, 46), Рожер, Спинассола (Залевски, 46), Мэйтленд-Найлз (Карсдорп, 46), Верету (Шомуродов, 60), Кристанте, Пеллегрини, Абраҳам, Карлес Перес (Волпато, 83).
«Венеция»: Мяенпяа, Матею (Свобода, 65), Калдара, Чеккарони, Ампаду, Ҳапс, Вакка (Фёрдилино, 28), Чрнигой (Эбуэхи, 80), Кийин, Араму (Перес, 65), Окереке (Юнсен, 80).
Огоҳлантиришлар: Кийин (18), Вакка (26), Спинассола (39), Окереке (61), Пеллегрини (68), Ампаду (78), Перес (87).
Четлатиш: Кийин (32).
Изоҳ (0)