Футбол бўйича Беларусь Олий Лигасининг 8-турида «Энергетик-БГУ» 14 май, шанба куни «Минск» билан баҳс олиб борди.
Учрашув мезбонларнинг 2:0 ҳисобидаги ғалабаси билан якунланди. Эътиборлиси, «Энергетик-БГУ»нинг иккинчи голини Бобур Абдухолиқов пенальтидан унумли фойдаланган ҳолда урди. Абдухолиқов учрашув якунида захирага олинди.
Қайд этиш керак, «Энергетик-БГУ» сафида Абдухолиқовдан ташқари Абдуқодир Ҳусанов ва Шоҳрухбек Абдураҳмонов ҳам ҳаракат қилади. Ҳар иккала ўзбекистонлик футболчи мазкур учрашувда асосий таркибда майдонга тушиб, тўлиқ 90 дақиқа ҳаракат қилди.
Ушбу ғалабадан кейин «Энергетик-БГУ»нинг очколари сони 16 тага етди, жамоа мусобақа жадвалида 2-ўринда бормоқда.
Беларусь Олий Лигаси
8-тур баҳси
14 май, шанба
Изоҳ (0)