«Бавария» ҳужумчиси Роберт Левандовски Германия Бундеслигасининг сўнгги, 34-туридан ўрин олган «Вольфсбург»га қарши ўйиндан (2:2) кейин жамоадан кетиш ниятида эканлигини айтди.
Бу ‘Бавария’ либосидаги сўнгги ўйиним бўлиши мумкин. 100 фоиз ишонч билан гапира олмайман, лекин шундай бўлиши мумкин. Ўзим ва клуб учун яхши бўладиган ечим топмоқчимиз.Шунингдек, «Бавария» спорт директори Ҳасан Салиҳамижич ҳам польшалик ҳужумчининг жамоадан кетмоқчилигини маълум қилди.Роберт Левандовски, футболчи
«Роберт билан гаплашдим. У шартномани узайтириш ҳақидаги таклифимизни қабул қилмоқчи эмаслигини ва клубни тарк этишни исташини айтди. Роберт ўзини янги жойда синаб кўрмоқчи эканлигини билдирди. Аммо бизнинг позициямиз ўзгармайди: унинг шартномаси 2023 йилнинг 30 июнига мўлжалланган. Бу факт», — дейди Салиҳамижич.
Жамоа бош мураббийи Юлиан Нагелсманн ҳам шунга ўхшаш фикр билдирди.
«Бу, албатта, йўқотиш бўлади, лекин унинг 2023 йилгача мўлжалланган шартномаси бор».
Аввалроқ «Бавария» польшалик ҳужумчини 40 миллион еврога сотишга тайёрлиги хабар қилинганди. Левандовскининг ўзи эса «Барселона» билан шахсий шартнома борасида келишиб олгани маълум бўлганди. Каталон клуби «Бавария» ҳужумчисининг агенти Пини Заҳавига Роберт учун 30—35 миллион евро тўлашга тайёрлигини билдирган.
Роберт Левандовски 2014 йилдан бери мюнхенликлар шарафини ҳимоя қилиб келаётганди. Унгача у «Боруссия Д» шарафини ҳимоя қилган.
Изоҳ (0)