Апрель ойининг бошида Ғарб давлатлари мисли кўрилмаган санкцияларни жорий қилган бир пайтда, Россия иқтисодиёти қулаш прогнозларини рад этмоқда. The Economist нашри қандай қилиб Россия иқтисодиёти оёққа турганини таҳлил қилди.
Капитал назорати ва юқори фоиз ставкалари ёрдамида рубль ҳозирда Россиянинг февраль ойи охирида Украинага бостириб киришидан олдинги қийматидан ҳам юқори.
Россия валюта облигацияларини тўлашда давом этаётганга ўхшайди, — деб ёзади The Economist.Россиянинг реал иқтисодиёти ҳам ҳайратланарли даражада чидамли бўлиб қолмоқда. Аммо йил бошидан бери Россия истеъмол нархлари 10 фоиздан кўпроқ ўсди.
Бунга рублнинг дастлабки қадрсизланиши сабаб бўлди. Бунинг ортидан импорт кескин ошиб кетди ва кўплаб Ғарб компаниялари таклифларни камайтира бошлади. Иш ҳақини кечиктирадиган фирмалар сони ҳам ортиб бормоқда.
Бироқ кейинчалик ҳам Россиянинг иқтисодий фаоллиги реал вақтда асосан ўз кучини йўқотмайди.
Россиянинг энг йирик банки «Сбербанк» томонидан олиб борилган кузатувларга кўра, март ойидаги сукунатдан сўнг россияликлар кафе, бар ва ресторанларга бемалол пул сарфлай бошлаган.
29 апрелда Россия Марказий банки асосий фоиз ставкасини 17 фоиздан 14 фоизга туширди. Бу февраль ойида бошланган молиявий ваҳима бироз юмшаганидан далолат беради.
Россия иқтисодиёти, шубҳасиз, қисқармоқда, аммо баъзи иқтисодчиларнинг бу йил ЯИМнинг 15 фоизгача пасайиши ҳақидаги прогнозлари пессимистик кўринишни бошлади.
Финляндиядаги тадқиқот маркази маълумотларига кўра, Россия босқинидан бери камида 65 млрд долларлик қазиб олинадиган ёқилғиларни юк ташиш ва қувурлар орқали экспорт қилди.
2022 йилнинг биринчи чорагида ҳукуматнинг углеводородлардан олинадиган даромадлари йилига 80 фоиздан кўпроққа ўсди. 4 май куни эса Еврокомиссия йил охиригача тўлиқ кучга кирадиган Россия нефтини импорт қилишни тақиқлашни таклиф қилди.
Аввалроқ Россияда ўзбекистонлик мигрантларни молиявий бонуслар билан жалб қилиш таклиф қилинганди.
Изоҳ (0)