10 май куни Каталин Новак Венгрия президенти вазифасини бажаришга киришди. У мамлакат тарихида ушбу лавозимни эгаллаган биринчи аёл бўлди, деб ёзмоқда «ТАСС».
Венгриянинг аввалги президенти, сўнгги ўн йил давомида давлат раҳбари бўлиб келган Янош Адер Венгрия президентларининг расмий қароргоҳи – Шандора саройининг калитларини Каталин Новакка топширди. Бу қадимий бино Будапештдаги Қалъа тепалигида жойлашган.
Каталин Эва Верешне-Новак 1977 йилда туғилган, у иқтисод ва ҳуқуқ фанлари бўйича дипломлар соҳибаси. 2017—2021 йилларда у бош вазир Виктор Орбан бошчилигидаги Венгриянинг «Фидес» сиёсий партияси раиси ўринбосари бўлган.
2022 йил 10 мартда Венгрия Миллий ассамблеяси Каталин Новакни мамлакат президенти этиб сайлади. Мамлакатнинг аввалги раҳбари Янош Адер ҳам «Фидес» партияси вакили эди.
Мавзуга доир:
- Танзания тарихида илк бор аёл киши президентлик лавозимини эгаллади
- Швеция ҳукумати раҳбарлиги Магдалена Андерссонга топширилади. У мамлакат тарихида бош вазир лавозимини эгаллайдиган биринчи аёл
- Жен Псаки Оқ уй матбуот котиби лавозимидан кетмоқда. Унинг ўрнини ушбу лавозим тарихидаги илк афроамерикалик аёл эгаллайди
Изоҳ (0)