Украинадаги уруш 76 кундан бери давом этмоқда. Украина Россия газининг учдан бир қисмини Европага транзит қилишни тўхтатди. Россия Мудофаа вазирлиги Попасная шаҳри «тозаланган»дан сўнг Луганск вилоятининг маъмурий чегарасига етиб борганини маълум қилди (вилоят раҳбарияти буни тасдиқламаган). «Азов» полкининг Telegram-канали «Азовсталь» ҳимоячиларининг суратларини эълон қилди — улар оғир жароҳатлар билан, қўллари ва оёқлари кесилган ҳолда қолмоқда. Литва парламенти Россияни «террорчи давлат» деб эълон қилди. Meduza 10 май куни уруш зонасидан олинган суратларни эълон қилди.
Запорожье
Украинанинг энг йирик металлургия корхоналаридан бири «Запорожстал»даги пўлат эритувчи. Завод уруш хавфини ҳисобга олган ҳолда қурилган. Унинг ерости бункерлари омон қолиш учун барча зарур нарсалар: озиқ-овқат ва сув захиралари, электр генераторлар ва ўтин ёқиладиган печлар билан таъминланган.Фото: AFP
Максимиляновка қишлоғидаги йўлда мина борлиги ҳақида огоҳлантирувчи белги. Бу ерда Россия ҳарбийлари зарбаларидан кейин портламай қолган снарядлар аниқланган.Фото: AP Photo
Луганск вилояти Попасная шаҳридаги бозорда Луганск ҳарбий хизматчиси. Отишмалар оқибатида бозор ёниб кетган. Ҳозир шаҳар ЛХР назорати остида.Фото: «ТАСС»
«Азовсталь» заводи — амалда Россия томонидан ишғол қилинган Мариуполдаги сўнгги қаршилик маркази. Май ойи бошида тинч аҳоли ҳудуддан эвакуация қилинган. 8 май куни заводни ҳимоя қилаётган «Азов» полки вакиллари «самарали мудофаа учун барча ресурслар сарфлаб бўлингани»ни маълум қилган.Фото: Telegram
Изоҳ (0)