«Қасос ўти» ҳинд фильмидаги Кавита — Швета Растоги бугун нималар билан банд? (фото)

1988 йилда суратга олинган «Қасос ўти» драмаси актриса Рекҳани машҳурликда яна бир поғонага кўтарди. У гавдалантирган икки қаҳрамон — Арти ҳамда Жоти роли актриса сифатидаги карьерасини қайта тиклади, шунингдек, кўплаб мукофот, танқид ва томошабинларнинг олқишига сазовор бўлди. «Қасос ўти» эса кассаларда муваффақият қозонган фильмлардан бири сифатида ёдга олинади, деб ёзади Болйwоодтиме.

Фильмнинг бош қаҳрамонлари — Рекҳа ва Сону Валияга қойил қолмай иложи йўқ. Фильмда яна бир ажойиб персонаж бор эди — бу Рекҳанинг қизини ўйнаган Кавита. Дарҳақиқат, бу ширин қизнинг исми Швета ва 80 йилларнинг охирида у унутилмас ролларни ўйнаган, масалан, «Кишан ва Канхая» ва «Қушлар» фильмларида.

Болалигидан кино оламида улғайган Шветанинг бугунги кунда нималар билан банд эканлиги, албатта, томошабинлар учун жуда қизиқ.

Швета Растоги Чаудхари 1982 йил 16 ноябрда Мирут шаҳрида оддий ходим Ракеш ва унинг рафиқаси Каруна оиласида туғилган. Шветанинг ота-онасининг кино билан ҳеч қандай алоқаси бўлмаган, лекин улар санъатни ҳурмат қилган ва севган, шунинг учун деярли туғилгандан бошлаб улар қизларини классик рақсларга юборган.

Швета 4 ёшга тўлмасиданоқ унга сериалдан кичик рол таклиф қилинди ва ота-онаси бунга рози бўлди. 6 ёшида у биринчи марта рекламада пайдо бўлди. «Тўғрисини айтсам, ўша вақт ҳақида ҳеч нарса эсимда йўқ. Мен фақат камерага қараганимни эслайман», — дейди Швета.

Швета айнан реклама ролигида режиссёр Ракеш Рошан эътиборини тортган ва шундан сўнг унга Артининг қизи роли таклиф қилинган. Қизалоқ ҳинд киноси мухлисларининг қалбига кириб борди ва шундан сўнг бир нечта машҳур фильмларда иштирок этди. Аммо Шветага машҳурликни 1993 йилда ёш Радха ролини ўйнаган машҳур «Кришна» сериали олиб келди.

Катта муваффақиятдан сўнг у Мирутдан Мумбайга кўчиб ўтди ва телевидениеда карьерасини бошлади. Ёшлигида у асосан мифологик серияларда ўйнаган: «Шри Ганеша», «Салом Ҳануман!» ва бошқалар. Кейинчалик замонавий сериалларда иштирок эта бошлади. Швета ҳали ҳам суратга тушади. Яқинда унинг «Бироз булут, бироз сув» лойиҳаси якунига етди.

Бугун актриса анча улғайган — у 39 ёшда. Ёқимтой қизалоқдан мафтункор аёлга айланган. Унинг карьераси давом этаётганига қарамай, ҳозирда Швета кутилмаганда пайдо бўлиб, жимгина ғойиб бўлган болалар актрисаси сифатида эсга олинади.