«Доктор Стренж 2» дастлабки ҳафтада 450 млн доллар тўплади

«Доктор Стренж: телбалик мултидунёсида» фильми жаҳон прокатининг биринчи ҳафтасида 450 миллион доллар тўплади, деб хабар беради «Film.ru».

Тўпланган маблағларнинг 185 миллион доллари АҚШ ҳисобига тўғри келади — бу пандемия давридаги «Ўргимчак одам: Уйга йўл йўқ» фильмидан (260 миллион доллар) кейин эришилган энг юқори иккинчи натижадир.

Marvel’нинг Бенедикт Камбербетч ва Элизабет Ольсен билан ҳамкорликдаги картинаси халқаро майдонда 265 миллион доллар тўплаган. Бу дастлабки уик-эндда 325,5 миллион доллар тўплаган биринчи «Стренж»дан кўп демак (жами 677 миллион доллар).

Фильмга Сем Рейми режиссёрлик қилган («Ўргимчак одам»нинг оригинал трилогияси режиссёри). Шунингдек, лентада Сочил Гомес, Чиветел Эжиофор ва Патрик Стюарт суратга тушган. Лента бюджетининг маркетинг ҳисоби 200 миллион долларни ташкил этган.

Аввалроқ «Аватар: Сув йўли-2» фильмининг расмий трейлери намойиш этилгани тўғрисида хабар берилганди.