Марказий банк тадбиркорларнинг бизнес кайфиятини ўрганиш мақсадида апрель ойидасўров ўтказди. Унда турли соҳаларда фаолият юритувчи 1,5 мингга яқин тадбиркор иштирок этди.
Уларнинг фикрича республикада биринчи чорагида тадбиркорлик шароитлари ва муҳити ўтган чоракка нисбатан сезиларли ўзгаришларсиз шаклланди.
Сўровда қатнашганларнинг аксарият қисми сўм курсининг қадрсизланганлиги, солиқ маъмурчилиги, йўллар инфратузилмаси қониқарли эмаслиги ҳамда фаолиятга маъмурий аралашувлар салбий баҳолаган.
Тадбиркорларнинг учдан бир қисми чорак давомида тўлиқ фаолият юрита олмаганликларини қайд этишган.
Бунда тўлиқ ишламаслик сабаблари сифатида хом ашё материаллар логистикасидаги узилишлар ҳамда жорий йилнинг март ойида кузатилган ноқулай об-ҳаво шароитлари каби омиллар келтирилган.
Чорак давомида ишбилармонларнинг аксарият қисмида ишчи кучига бўлган талаб ўзгармаган. Шунингдек, қишлоқ хўжалиги ва ишлаб чиқариш соҳаларда қўшимча ишчи кучига бўлган талаб бироз ошган.
Айни пайтда ушбу даврда бизнес вакилларидан иш сўраб келувчилар сони кўпайган. Бунда фан-таълим, ишлаб чиқариш, қишлоқ хўжалиги ва молия соҳаларида иш қидирувчилар сони ошган.
Бизнес вакилларининг қарийб ярми чорак давомида қарз юки (кредит ва фоиз тўловлар) кўпайганини таъкидлашган.
Умуман олганда, тадбиркорларнинг келгуси давр учун кутилмалари оптимистик шаклланган.
Аввалроқ Ўзбекистоннинг Россияга экспорти янги мева ва сабзавотлар тоифасига тўғри келади ва уларни бошқа бозорларга йўналтириш имконияти чеклангани ҳақида хабар берилган эди.
Ўзбекистонда денгизга чиқиш имконияти йўқлиги ҳисобга олинса, қуруқликдаги транспорт ва логистика харажатлари юқори бўлиши кутилмоқда.
Умуман олганда, дунёда давом этаётган инқироз Ўзбекистон бўйича ўсиш прогнозларини тушишига олиб келди. Энди иқтисодиёт 2022 йилда 4 фоиз, 2023 йилда эса 5 фоизга ўсиши кутилмоқда.
Изоҳ (0)